Showing posts with label சமூகம். Show all posts
Showing posts with label சமூகம். Show all posts

8 Sept 2021

துரருள் பஹிய்யா (அழகான முத்துக்கள்) தொடர் 09

 

துரருள் பஹிய்யா (அழகான முத்துக்கள்)

🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷


ஆசிரியர் : இமாம் ஷவ்கானி 

மரணம் : ஹிஜ்ரி 1250 

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர் 

தொடர் : 09


நோன்பு

⚪⚪⚪⚪


• நம்பிக்கையான, நேர்மையான முஸ்லிம் பிறையைக் கண்டால் ரமழான் நோன்பு பிடிப்பது வாஜிப். அல்லது ஷஃபான் முப்பதாக பூர்த்தியாகிவிட்டாலும் ரமழான் நோன்பு பிடிப்பது வாஜிப்.


• 30 நாட்கள் ரமழானில் நோன்பு நோற்க வேண்டும். 30ஆவது இறவில் பிறை தென்பட்டாலே தவிர. 


• ஒரு ஊரிலே பிறை கண்டால் அந்த ஊருடைய உதயத்திற்கு ஒத்த ஊர்கள் அனைத்தும் நோன்பு வைக்க வேண்டும். 


• நோன்பு பிடிக்கின்றவர் பஜ்ருக்கு முன்னரே நிய்யத் வைத்தல் வேண்டும்.  


நோன்பை முறிக்கக் கூடிய விடயங்கள் 

🔹🔹🔹🔹🔹🔹🔹🔹🔹🔹🔹🔹🔹🔹🔹🔹


• சாப்பிடுவது 

• குடிப்பது 

• கணவன் மனைவி உறவு கொள்வது 

• தேவையேற்பட்டு வலிந்து வாந்தி எடுத்தல்


o தொடர்சியாக நோன்பு நேற்றல் கூடாது ( சஹரிலிருந்து அடுத்த நாள் மஃரிப் வரை அல்லது அதற்கடுத்த நாள் மஃரிப் வரை தொடர்தல்) 


o கணவன் மனைவி உறவு மூலம் யார் நோன்பை முறித்து விட்டாரோ அவர் லிஹாருடைய குற்றப் பரிகாரத்தை நிறைவேற்ற வேண்டும். ( வேண்டுமென்று அல்லாமல் மறதியினால் அல்லது உணர்ச்சி மேலீட்டால் கணவன் மனைவி உறவு ஏற்பட்டால் ஓர் அடிமையை உரிமை விடல் வேண்டும் அல்லது தொடர்ச்சியாக விடாமல் 60 நாட்கள்  நோன்பு நோற்க வேண்டும் அல்லது 60 ஏழைகளுக்கு உணவளிக்க வேண்டும்) 


o நோன்பு திறத்தலை அவசரப்படுத்துதலும் சஹரை பிற்படுத்துதலும் சிறந்தது. 


o மார்க்க ரீதியான காரணங்களுக்காக ஒருவர் நோன்பை விட்டால் அவர் கழா செய்ய வேண்டும். 


o பிரயாணிக்கு நோன்பை விடுவது சலுகை வழங்கப்பட்டிருக்கிறது


o யுத்த களத்தில் அல்லது பிரயாணத்தில் ஒருவர் அழிவை பயந்தால் அவர் நோன்பை விடுவது வாஜிப். 


o நோன்பு கடமையான நிலையில் ஒருவர் மரணித்தால் அவருடைய பொறுப்பாளர் அவர் சார்பாக நோன்பு வைக்க வேண்டும். (நேர்ச்சை நோன்பாக இருந்தால்தான் பொறுப்பாளர் நோன்பு வைக்க முடியுமே தவிர ரமழானுடைய கழா நோன்புக்காக அல்ல. ரமழானுடைய கழா நோன்புக்காக பொறுப்பாளர்கள் விட்ட நோன்புக்கு பகரமாக ஒரு ஏழைக்கு உணவளிக்க வேண்டும்) 


o வயதாகி முதிர்ந்து போய் நிரந்தர நோயாளியாக நோன்பை பிடிக்க முடியாதவர்கள் ( நிரந்தரமாக கழா செய்யவும் முடியாதவர்கள்) விட்ட ஒரு நோன்பிற்கு பகரமாக ஒரு ஏழைக்கு உணவளித்தல் வேண்டும். 


o சுன்னத்தான நோன்பை பொறுத்தவரை அவர் விரும்பினால் விடலாம் அல்லது தொடரலாம். கழாவும் கிடையாது குற்றப் பரிகாரமும் கிடையாது. 


சுன்னத்தான நோன்புகள்

🔹🔹🔹🔹🔹🔹🔹🔹🔹🔹🔹


• ஷவ்வால் மாதத்தில் ஆறு நோன்பு பிடித்தல். (ஷவ்வாலுடைய ஆரம்பத்திலிருந்து தொடர்தேர்ச்சியாக  பிடிக்க வேண்டும் என்பதல்ல. ஷவ்வால் மாதத்திற்குள் பிடிக்க வேண்டும்) 


• துல் ஹிஜ்ஜாவுடைய ஒன்பதாவது நாள் அறபா தின நோன்பு பிடித்தல்.


• முஹர்ரம் மாதத்தில் நோன்பு பிடித்தல் 


• ஷஃபான் மாதத்தில் நோன்பு பிடித்தல் 


• திங்கள், வியாழன் நேன்பு வைத்தல்


• ஐயாமுல் பீலுடைய நாட்களில் நோன்பு பிடித்தல். (மாதத்தில் வெள்ளை நாட்கள் என்று சொல்லக்கூடிய 13,14,15 நாட்கள்; இது அல்லாமல் மாதத்தில் 3 நாட்கள் பிடிப்பதும் சிறந்தது) 


• சுன்னத்து நேன்புகளிலே சிறந்தது ஒரு நாள் விட்டு ஒரு நாள் நோன்பு பிடிப்பதாகும். 


o காலம் முழுதாக நோன்பு பிடிப்பது வெறுக்கத்தக்கது. 


o சனிக்கிழமை தனியாகவோ அல்லது வெள்ளிக்கிழமை தனியாகவோ நோன்பு பிடித்தல் கூடாது. (தொடர்ந்து ஒருவர் ஒரு நாள் விட்டு ஒரு நாளோ அல்லது சிறப்பாக்கப்பட்ட சுன்னத்தான நோன்புகளையோ பிடிப்பதாக இருந்தால் அவர் இந்த சட்டத்திற்குள் வரமாட்டார் விரும்பி தேர்ந்தெடுத்துப் பிடிப்பதையே  குறிக்கும்) 


o பெருநாள் தினத்தில் நோன்பு பிடிப்பது கூடாது. 


o ஐயாமுத் தஷ்ரீக்குடைய அதாவது துல்ஹிஜ்ஜாவுடைய 11,12,13 நாட்களில் நோன்பு பிடித்தல் கூடாது. (தமத்துஃ ஹஜ் செய்தவர் குர்பான் கொடுக்க வசதி இல்லாவிட்டால் அவர் வைக்க வேண்டிய பத்து நோன்பில் மக்காவில் வைத்து பிடிக்க வேண்டிய மூன்று நேன்புகளில் இந்த மூன்று நாட்கள் விதிவிலக்காகும்) 


o ரமழானுக்கு முந்திய நாளும் அதற்கு முந்திய நாளும் நேன்பு வைக்கக் கூடாது.

4 Sept 2021

துரருள் பஹிய்யா (அழகான முத்துக்கள்) தொடர் 08

 

துரருள் பஹிய்யா (அழகான முத்துக்கள்)

🟠🟠🟠🟠🟠🟠🟠🟠🟠🟠🟠🟠🟠🟠🟠🟠🟠


ஆசிரியர் : இமாம் ஷவ்கானி 

மரணம் : ஹிஜ்ரி 1250 

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர் 

தொடர் : 08


தங்கம் வெள்ளியுடைய ஸகாத்

*************************************

•தங்கத்திலோ வெள்ளியிலோ ஒரு வருடம் பூர்த்தியாகிவிட்டால் பத்தில் ஒன்றில் கால்வாசில் ஒன்றில் கால்வாசில் ஒன்று கொடுக்க வேண்டும். அதாவது 2.5% சதவீதமாகும். அது அதனுடைய நிஸாபை(எல்லையை) அடையும் பட்சத்தில்.


•தங்கத்தினுடைய நிஸாப் 20 தீனாராகும். அதாவது 10.5 பவுன் அல்லது 85 கிராம் எனும் அன்னலவான எடுகோளை எடுக்கலாம். 


•வெள்ளியுடைய நிஸாப் 200 திர்ஹமாகும். அதாவது 595 கிராமாகும். இதற்கு குறைய ஸகாத் கிடையாது. 


•இது அல்லாமல் உள்ள எந்தவித ஆபரணங்களுக்கும் ஸகாத் கிடையாது.


•வியாபாரப் பொருட்களில் ஸகாத் கடமை இல்லை. (வியாபாரப் பொருட்களுக்கும் ஸகாத் கடமை என்பதுதான் சரியான கருத்து) 


தாவர விளைச்சல்களுடைய ஸகாத் 

*******************************************


•பத்தில் ஒன்று (10% சதவீதம்) ஸகாத் கொடுக்க வேண்டும். 


•தொலிக் கோதுமை, வாட் கோதுமை, சோலகம், பேரீத்தம் பழம், திராட்சை என்பவற்றில் கடமையாகும். பத்தில் ஒன்று என்பது மழை நீரினால் விளைச்சல் ஏற்பட்டிருக்க வேண்டும் என்பது நிபந்தனையாகும். 


•உரிமையாளரின் சொந்த உழைப்பில் நீர் பாய்ச்சி விளைந்திருந்தால் பத்தில் ஒன்றில் அறைவாசி (5% சதவீதம்) கடமையாகும். 


•இதனுடைய நிஸாப் 5 வஸக்குகளாகும். 1 வஸக் 60 ஸாவாகும். 1 ஸா 2.5 கிலோ கிராமாகும். ஆக 5 வஸக்குகள் என்பது 750 கிலோ கிராமாகும். 


•இது தவிர வேறு எந்த தாவர விளைச்சல்களிலும் ஸகாத் கடமை இல்லை. 


•தேனில் பத்தில் ஒரு பங்கு (10% சதவீதம்) ஸகாத் கொடுக்க வேண்டும். 72 கிலோ கிராம் நிஸாபை அடைந்தால்.


ஸகாத்துடைய பொதுவான அடிப்படைகள் 

**************************************************

•ஸகாத்தை அவசரப்படுத்திக் கொடுப்பது கூடும்.


•ஆட்சியாளர் அந்தந்த பிரதேசத்தில் எடுக்கப்பட்ட ஸகாத்தை அந்த பிரதேசத்திலே பகிர்ந்தளித்தல் வேண்டும். 


•ஆட்சியாளர் அநியாயக் காரராக இருந்தாலும் உரிய ஸகாத்தை ஒப்படைத்து விட்டால் அவருடைய கடமை முடிந்து விடும். 


ஸகாத் பெற தகுதியானவர்கள் / தகுதியற்றவர்கள்

*************************************************************

•8 கூட்டத்தினர் ஸகாத் பெற தகுதியானவர்களாவர். பரம ஏழைகள், ஏழைகள், இஸ்லாமிய ஆட்சியில் ஸகாத் வசூலிப்பதற்காக உழைப்பவர்கள், இஸ்லாத்தை நேசிப்பவர்கள் / இஸ்லாத்தை ஆதரவு வைப்பவர்கள், அடிமைகள், கடனாளிகள், அல்லாஹ்வின் பாதையில் போராடுபவர்கள், வழிப்போக்கர்கள்.


•நபி (ஸல்) அவர்களின் பரம்பரையினர் அவர்களால் அடிமை விடப்பட்டவர்கள் ஸகாத் பெற தகுதியற்றவர்களாவர். 


•பணக்காரர்கள், நல்ல முறையில் உழைத்து வருமானம் ஈட்ட முடிந்தவர்களும் ஸகாத் பெற தகுதியற்றவர்களாவர். 


ஸதகத்துல் பித்ர் (பெருநாள் தர்மம்) 

******************************************

•இதனுடைய அளவு 1 சாவாகும். (1 சா என்பது  2.5 கிலோ கிராமாகும்) 


•ஒவ்வொரு அங்கத்தினவர்களுக்கும் இது கடமையாகும். 


•அடிமைக்கு எஜமானும், குழந்தைகள் சிறுவர்களுக்கு அவர்களின் பொறுப்புதாரிகளும் கொடுக்க வேண்டும். 


•பெருநாள் தொழுவதற்கு முன் கொடுத்தாக வேண்டும். 


•அன்றைய தினம் சாப்பிடுவதற்கு எதுவுமில்லாதவர்கள் அல்லது அதற்கு போதுமான வசதியற்றவர்கள் அல்லது வேலைக்கு மட்டும் சாப்பிடுவதற்கு தேவையான வசதியைக் கொண்டவர்களுக்கு கடமை இல்லை. 


•ஸகாத் பெற தகுதியான 8 கூட்டத்தினருக்கும் இதனை வழங்கலாம். 


ஐந்தில் ஒன்று (20% சதவீதம்)  கொடுக்க வேண்டிய கட்டங்கள்

*************************************************************************


•யுத்த களத்தில் விடப்பட்ட கனீமத் சொத்துக்கள் 


•நிலத்தில் இருந்து எடுக்கப்பட்ட புதையல். புதையல் தவிர நிலத்தில் இருந்து எடுக்கப்பட்ட எந்தப் பொருளிலும் கடமை இல்லை.

1 Sept 2021

துரருள் பஹிய்யா (அழகான முத்துக்கள்) தொடர் 07


 துரருள் பஹிய்யா (அழகான முத்துக்கள்)


ஆசிரியர் : இமாம் ஷவ்கானி 

மரணம் : ஹிஜ்ரி 1250 

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர் 

தொடர் : 07


ஸகாத்

✴✴✴✴


பின்வருகின்ற சொத்துக்களில் ஸகாத் கடமையாகும் அதற்கு உரிமையாளர் கடமையாகின்ற குழுவில் இருந்தால்..


கால் நடைகள்

ஒட்டகம், மாடு, ஆடு


ஒட்டகத்தின் ஸகாத்

*********************** 

• 5 ஒட்டகங்கள் இருந்தால் ஒரு வருடம் பூர்தியான 1 ஆடு ஸகாத் கடமையாகும்.


• பின்னர் ஒவ்வொரு ஐந்திலும் 1 ஆடு கடமையாகும் (உ+ம் 10 ஒட்டகங்கள் = 2 ஆடுகள்) 


• 25ஐ அடைந்தால் ஒரு வருடம் பூர்த்தியான 1 பெண் ஒட்டகம் அல்லது இரண்டு வருடம் பூர்த்தியான 1 ஆண் ஒட்டகம் கடமையாகும். 35 வரைக்கும் இதுதான் கணக்காகும் ( உ+ம் 20 ஒட்டகங்கள் = 4 ஆடுகள், 34 ஒட்டகங்கள் = ஒரு வருடம் பூர்த்தியான 1 பெண் ஒட்டகம் அல்லது இரண்டு வருடம் பூர்த்தியான 1 ஆண் ஒட்டகம் ) 


• 36 ஆகிவிட்டால் இரண்டு வருடம் பூர்த்தியான 1 பெண் ஒட்டகம் கடமையாகும். 45 வரைக்கும் இதே கணக்குதான். (உ+ம் 45 ஒட்டகங்கள் = இரண்டு வருடம் பூர்த்தியான 1 பெண் ஒட்டகம்) 


• 46 ஆகிவிட்டால் மூன்று வருடம் பூர்த்தியான 1 பெண் ஒட்டகம் கடமையாகும். 60 வரைக்கும் இதே கணக்குதான். 


• 61 ஆகிவிட்டால் நான்கு வருடம் பூர்த்தியான 1 பெண் ஒட்டகம் கடமையாகும். 75 வரைக்கும் இதே கணக்குதான். 


• 76 ஆகிவிட்டால் இரண்டு வருடம் பூர்த்தியான 2 பெண் ஒட்டகங்கள் கடமையாகும். 90 வரைக்கும் இதே கணக்குதான். 


• 91 ஆகிவிட்டால் மூன்று வருடம் பூர்த்தியான 2 பெண் ஒட்டகங்கள் கடமையாகும். 120 வரைக்கும் இதே கணக்குதான். 


• 120ஐ தாண்டிவிட்டால் ஒவ்வொரு நாற்பதிலும் இரண்டு வருடம் பூர்த்தியான 1 பெண் ஒட்டகம் கடமையாகும். ஒவ்வொரு ஐம்பதிலும் மூன்று வருடம் பூர்த்தியான 1 பெண் ஒட்டகம் கடமையாகும். (உ+ம் 150 ஒட்டகங்கள் = மூன்று வருடம் பூர்த்தியான 3 பெண் ஒட்டகங்கள், 200 ஒட்டகங்கள் = இரண்டு வருடம் பூர்த்தியான 4 பெண் ஒட்டகங்கள் அல்லது மூன்று வருடம் பூர்த்தியான 5 பெண் ஒட்டகங்கள்) 


மாட்டுடைய ஸகாத்

***********************

ஒவ்வொரு 30 மாடுகளிலும் ஒரு வருடம் பூர்த்தியான 1 பெண் கன்றோ அல்லது 1 ஆண் கன்றோ கடமையாகும். (உ+ம் 60 மாடுகள் = ஒரு வருடம் பூர்த்தியான 2 கன்றுகள், 44 மாடுகள் = ஒரு வருடம் பூர்த்தியான 1 கன்று)


ஒவ்வொரு 40 மாடுகளிலும் இரண்டு வருடம் பூர்த்தியான 1 பெண் மாடோ 1 ஆண் மாடோ கடமையாகும். பின்னர் இதன் படியே கடமையாகும். (உ+ம் 70 மாடுகள் = ஒரு வருடம் பூர்த்தியான 2 கன்றுகள், 100 மாடுகள் = இரண்டு வருடம் பூர்த்தியான 2 மாடுகள் அல்லது ஒரு வருடம் பூர்த்தியான 3 கன்றுகள்)


ஆட்டுடைய ஸகாத்

**********************

40 ஆடுகள் இருந்தால் 1 ஆடு கடமையாகும். 120 வரைக்கும் இதே கணக்குதான். (உ+ம் 119 / 120 ஆடுகள் = 1 ஆடு)


121 ஆகிவிட்டால் 2 ஆடுகள் கடமையாகும். 200 வரைக்கும் இதே கணக்குதான். ( உ+ம் 119 / 200 ஆடுகள் = 2 ஆடுகள்) 


201 ஆகிவிட்டால் 3 ஆடுகள் கடமையாகும். 300 வரைக்கும் இதே கணக்குதான். 


301 ஆகிவிட்டால் 4 ஆடுகள் கடமையாகும். பின்னர் ஒவ்வொரு 100 ஆடுகளிலும் 1 ஆடு கடமையாகும். (399 வரைக்கும் 3 ஆடுகள்தான் என்பது பெரும்பாலான இஸ்லாமிய அறிஞர்களின் கருத்தாகும்) 


சேர்ந்திருப்பதை பிரிக்கக் கூடாது பிரிந்திருந்த்தை சேர்க்கக் கூடாது. 


கடமையானதற்கு குறைய எதிலும் ஸகாத் இல்லை.


கூட்டாக செயற்படும் போது ஸகாத் கொடுக்கப்பட்ட பெருமதியை அதற்கேற்றாற் போல் பிரித்துக் கொள்ளல் வேண்டும். 


நோயுள்ள, அங்கக் குறையுள்ள, சின்னதாக மெலிந்த, குட்டி ஈன்றாதவைகளை ஸகாத் கொடுக்கக் கூடாது. உரிமையாளரிடமிருந்து அவர் நன்கு பராமரித்து விருப்பமாக வளர்த்து வந்ததை எடுக்கக் கூடாது

5 Jul 2021

மத்தியஸ்தம்



கணவன் மனைவி பிரச்சினைகள் கணவன் மனைவிக்கு மத்தியிலே சுருங்கிக் கொள்வதுதான் ஆரோக்கியம். 

அதில் மூன்றாம் நபர் தலையிடும் போது அல்லது வெளி உலகிற்கு ஏதோ ஒரு வகையில் தெரிய வரும் போது இயல்பாக தீருகின்ற பிரச்சினை கௌரவ சிக்கலாக உறுமாறி தீராத பகையாக மாறக் கூடும்.

கணவன் மனைவிக்கு மத்தியில் பிரச்சினைகள் ஊற்றெடுப்பது என்பது இயல்பானது. பிரச்சினை இருவரில் ஒருவரின் விட்டுக்கொடுப்பு அல்லது மௌனமான இடைவெளிளால் இயல்பாக சமாதானமாவதும் சர்வசாதரணமானது. 
 
ஆனால் அதில் வெளி நபர்கள் தலையிட்டு கட்டப்பஞ்சாயத்தாக மாறுகின்ற போது, பிரச்சினைக்கான தீர்வில் இருவரின் கௌரவம் தடையாக வந்து நிற்கும் என்பதில் சந்தேகமில்லை. 
 
பெண்ணைப் பெற்ற, ஆணைப் பெற்ற பெற்றோர்களும் ஏதோ பிரச்சினை என்று தெரியவந்ததும் உடனே கட்டப்பஞ்சாயத்து செய்வதை நிறுத்த வேண்டும். அவர்கள் வழியில் அவர்களை விட்டுவிட்டு நல்லெண்ணம் வைப்பதே அவர்களின் பொறுப்பாகும். இல்லையென்றால் குளிக்கப் போய் சேறு பூசிக் கொண்ட நிலைதான் ஏற்படும்.

 

15 Jun 2021

துரருள் பஹிய்யா (அழகான முத்துக்கள்) தொடர் 06

 

துரருள் பஹிய்யா (அழகான முத்துக்கள்)


ஆசிரியர் : இமாம் ஷவ்கானி 

மரணம் : ஹிஜ்ரி 1250 

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர் 

தொடர் : 06


ஜனாசாவுடைய சட்டங்கள்

************************************

• நோயாளர்களை நோய் விசாரிக்கச் செல்வது சுன்னா

• மரணத் தருவாயில் இருப்பவருக்கு ஷஹாதா கலிமா சொல்லிக் கொடுப்பது சுன்னா

• ஜனாசாவை கிப்லாவின் பக்கம் திருப்புவது சுன்னா (ஹதீஸில் இதற்கு சஹீஹான எந்தவித ஆதாரமும் இல்லை)

• மரணித்தவரின் இரண்டு கண்களையும் மூடி விடுவது சுன்னா 

• மரணித்துக் கொண்டிருப்பவருக்கு யாஸின் ஓதுவது சுன்னா (இது சம்பந்தமான ஹதீத்கள் ஆதரமற்றவைகளாகும்)

• ஜனாசாவை அடக்குவதற்கு இயன்றளவு அவசரப்படுத்தல் வேண்டும் மூன்று காரணங்களைத் தவிர. 

1. இறந்து விட்டார் என்பதை உறுதி செய்வதற்காக

2. கடன் விடயங்களுக்காக

3. ஜனாசாவை அடக்குவதற்குண்டான முக்கிய பணிகளுக்காக

 

• ஜனாசாவை முத்தமிடுதல் கூடும்

• மரணத்திற்கு அண்மித்தவர் இறைவன் பற்றிய நல்லெண்ணத்துடன் இருக்க வேண்டும். இறைவனிடம் பாவமன்னிப்புத் தேடல் வேண்டும். எல்லாவிதமான கடமைகள், உரிமைகள், பொறுப்புக்களை உரிய முறையில் ஒப்படைத்து விடல் வேண்டும். 

• உயிரோடு உள்ளவர்கள் இறந்த முஸ்லிமை குளிப்பாட்டுவது கடமை. 

• நெருக்கமானர் அவருடைய உறவினரை குளிப்பாட்டுவதற்கு மிகவும் தகுதியானவர். ஆணுக்கு ஆணும், பெண்ணுக்கு பெண்ணும் குளிப்பாட்ட வேண்டும். கணவனுக்கு மனைவியும், மனைவிக்கு கணவனும் குளிப்பாட்டுவது சிறந்ததாகும்.

• கழுவுதல் என்பது மூன்று முரை அல்லது ஐந்து முறை இருத்தல் வேண்டும். அல்லது அதைவிட அதிகமாக ஒற்றைப்படையில் இருத்தல் வேண்டும். 

• தண்ணீராலும் இலந்தை இலையைக் கொண்டும் கழுவ முடியும். கடைசியாக கற்பூரத்தை கலந்து கழுவுதல் வேண்டும். (இலந்தை இலை கற்பூரம் இல்லாவிட்டால் வேறு வாசனைப் பொருட்களை பயன்படுத்த முடியும்)

• வலது பக்கத்திலிருந்தும் வுழூவுடைய உறுப்புக்களை முற்படுத்தியும் கழுவுதல் சிறந்ததாகும். 

• யுத்த களத்தில் கொல்லப்பட்ட ஷஹீத், குளிப்பாடப் பட மாட்டார். 

• கபன் செய்வது வாஜிப். முடிந்தளவு மறைக்கக் கூடிய அமைப்பில் கபனிடல் வேண்டும். அளவுக்கதிகமாக, ஆடம்பரத்தை தவிர்த்துக் கொள்ளல் வேண்டும். 

• வெள்ளை நிறம் சிறந்தது. கட்டாயம் அல்ல. 

• முழு உடலையும் மூன்று முறை சுற்றி கபனிடுவது சுன்னா. 

• யுத்த களத்தில் கொல்லப்பட்ட ஷஹீத் எந்த ஆடையில் இருந்தாறோ அந்த ஆடையிலே கபனிட்டு அடக்கம் செய்தல் வேண்டும். 

• ஜனாசாவுடைய உடலிலும் கபன் ஆடையிலும் வாசம் பூசுவது சுன்னாவாகும். 


ஜனாசா தொழுகை

**************************

• இந்த தொழுகை பர்ளு கிபாயாவாகும். 

• ஆண் ஜனாசாவாக இருந்தால் ஜனாசாவின் தலைமாட்டில் இருந்து தொழுவிக்க வேண்டும். பெண் ஜனாசாவாக இருந்தால் ஜனாசாவின் இடுப்புப் பகுதியில் இருந்து தொழுவித்தல் வேண்டும். 

• தொழுகையில் நான்கு முறையோ ஐந்து முறையோ தக்பீர் சொல்லல் வேண்டும்.

• ஆரம்ப முதலாவது தக்பீருக்குப் பின்னால் சூரத்துல் பாத்திஹா ஓதுதல் வேண்டும். விரும்பினால் சூரத்துல் பாத்திஹாவிற்குப் பிறகு துணை சூரா ஏதாவது ஒன்றை ஓத முடியும்.

• இரண்டாவது தக்பீருக்குப் பின்னால் ஸலவாத்துல் இப்ராஹீமா ஓதுதல் வேண்டும்.

• மூன்றாவது தக்பீருக்கு பின்னால் ஜனாசாவிற்காக தூஆ பிரார்த்தனை செய்ய வேண்டும். 

• நான்காவது தக்பீர் சொல்லி ஸலாம் கொடுத்தல் வேண்டும்.

• ஒவ்வொரு தக்பீருக்குப் பின்னாலும் வந்த துஆக்களை கேட்டுக் கொள்ளலாம்.

• யுத்த களத்தில் கனீமத் பொருட்களை பிரிப்பதற்கு முதல் அதில் ஏதாவதொன்றை எடுத்து மரணித்தால் அவருக்கு ஜனாஸா தொழுகை இல்லை. 

• தற்கொலை செய்தவருக்கு தொழுவித்தல் கூடாது

• காஃபிருக்கு தொழுவித்தல் கூடாது.

• யுத்த களத்தில் கொல்லப்பட்ட ஷஹீத்களுக்கு தொழுவித்தல் கூடாது. 

• கப்ரில் ஜனாசாவிற்காக தொழலாம்

• ஜனாசாவிற்கு தொழுகை நடாத்தப் படா விட்டால் அவருக்காக காயிப் ஜனாசா தொழுகை நடத்தலாம்.


• மிக வேகமாக ஜனாசாவை கொண்டு செல்லல், ஜனாசாவோடு நடந்து செல்லல், ஜனாசாவை சுமத்தல் ஆகியவை சுன்னாவாகும்.

• ஜனாசாவை முந்திச் சென்றாலும் அல்லது பிந்தொடர்ந்து சென்றாலும் அதற்கான கூலியில் வித்தியாசமில்லை. 

• வண்டியில் போவது வெறுக்கத்தக்கது. வரும் பொழுது வண்டியில் வருவது விரும்பத்தக்கதாகும். 

• ஜனாசாவை பரை அடித்தல், சத்தம் போட்டு அழுதல், ஜனாசாவிற்குப் பின்னால் நெருப்புப் பந்தல் கொண்டு செல்லல், ஆத்திரத்தில் ஆடையை கிழித்துக் கொள்லல், அழிவை வேண்டுதல், போன்றவைகள் கூடாது. ஜனாசாவை கொண்டு செல்லும் போது உட்காரக் கூடாது ஜனாசாவை வைக்கும் வரைக்கும்.


ஜனாசாவை அடக்குதல் 

******************************


• அடக்கும் போது மிருகங்கள், பிராணிகள் சேதம் விளைவிக்காத வகையில் பாதுகாப்பாக அடக்குதல் வேண்டும். 

• நேரடியாக குழி தோன்றி அடக்குவதும் தவறில்லை. குறுக்காக வைத்து அடக்குவது சிறந்தது. 

• மையித்தின் கால்மாட்டாக கப்றில் வைக்க வேண்டும் 

• வலது புறம் கிப்லாவை முன்னோக்கி வைத்தல் வேண்டும். 

• ஜனாசாவில் கலந்து கொண்டவர்கள் மூன்று பிடி மண் போடுதல் சிறந்தது. (இதற்கான ஆதரபூர்வமான ஹதீத்கள் இல்லை) 

• கப்றுகளை ஒரு சாணுக்கு மேல் உயர்த்துதல் கூடாது. (தற்காலிக அடையாளப்படுத்துவதற்காக சிறு அடையாளங்களை வைப்பது குற்றமாகாது)

• இறந்தவர்களை ஸியாரத் செய்வது மார்க்கமாகும். ஸியாரத் செய்பவர் கிப்லாவை முன்னோக்கி இருத்தல் வேண்டும்.(கிப்லாவை முன்னோக்கி இருத்தல் என்பதற்கு ஆத்ரபூர்வமான ஹதீத்கள் இல்லை) 

• கப்ருகளை பள்ளிகளாக எடுத்துக் கொள்ளல்; கப்ருகளை அலங்கரித்தல்; அதில் விளகேற்றல், அதன் மேல் உட்காருதல், இறந்தவர்களை ஏசுதல் போன்றவைகள் கூடாது. 

• ஜனாசாவுடைய சொந்தங்களுக்கு ஆறுதல் சொல்லுதல் சுன்னாவாகும். 

• ஜனாசாவுடைய வீட்டுக்கு சாப்பாடு கொடுத்தல் சுன்னா.

13 Feb 2015

பெப்ரவரி 14: காதலர் தினமா? காமுகர் தினமா?

வருடா வருடம் பெப்ரவரி 14ஆம் திகதி உலகலாவிய ரீதியில் காதலர் தினம் அனுஷ்டிக்கப்பட்டுவருகின்றது. காதலுக்கு மரியாதை, காதலில்லா உலகமில்லை, காதல் செய் காவியம் படைக்கலாம் போன்ற தொனிப்பொருள்களின் கீழ்  உலகின் பல நாடுகளிலுமுள்ள காதல் மன்னர்கள், காதல் அபிமானிகளால் வெகுவிமர்சையாக கொண்டாடப்பட்டுவருகின்றது. வருடத்தில் கொண்டாடப்பட்டு அனுஷ்டிக்கப்படும்  அன்னையர் தினம், ஆசிரியர் தினம், சிறுவர் தினம் போன்ற தொடச்சியில் காதலர் தின கொண்டாட்டத்தின் நோக்கமும், முதலாலித்துவ கோட்பாட்டு முதலைகளின் வர்த்தக மயமாக்கலேயென்றால் அதில் மிகையில்லை. மேலும் காதலர் தினம் மனிதனின் இயல்பான கதலுணர்வை பிரதிபலித்து காத்திரமான ஒரு கட்டுக்கோப்பான அளவுகோளுடன்  கொண்டாடப்படக்கூடிய நாளாக அனுஷ்டிக்கப்படுமானால் அதில் ஓரளவு நியாயம் உண்டு. ஆனால் காதலர் தினம்  உறுச்சிதைந்த சிலையாக காமுகர் தினமாக உருமாற்றப்பெற்று சமூகச் சீரழிவை நோக்கிய அடிச்சுவடுகளை பதியவைத்துள்ளது.

23 Dec 2014

வாக்களிப்பை உதாசீனப்படுத்திவிடாதீர்கள்!



ஜனாதிபதித் தேர்தல் நெருங்கி விட்ட நிலையில் கிட்டத்தட்ட இன்னும் இரண்டு வாரங்களே எஞ்சி இருக்கின்றன. கடந்த கால ஜனாதிபதித் தேர்தல்களை போன்றல்லாமல் இம்முறை முஸ்லிம்களுக்கு மிகவுமே சவால் மிக்க ஒரு தேர்தலாகவே  நோக்கப்படுகிறது. ஏனென்றால் முஸ்லிம்களின் கடந்த கால காயங்கள் இன்னும் ஆராவில்லை. ஆரும் படியாகவும் இருக்கவில்லை. எனவே இத்தேர்தல் முஸ்லிம்களை பொறுத்த வரையில் தமது கைக்கு வந்த கடிவாளம் போன்று ஒருகை பார்க்க இருக்கிறார்கள் என்பதையே உணர்த்தி நிற்கிறது.  இதனை வெறுமனே உதாசீனப் படுத்தி விட்டு கடிவாளம் கைமாறிப் போன பின் கண்கெட்ட பிறகு சூரிய நமஸ்காரம் பண்ணி பயன் இல்லை.

19 Dec 2014

அரசியல் சதுரங்கத்தில் முஸ்லிம்களின் சாமர்த்தியத்தின் அவசியம்

அரசியல் சதுரங்கத்தில் பொறி பறக்கும் நகர்வுகள் நாளுக்கு நாள் முட்டி அலை மோதும் இவ்வேளையில், முஸ்லிம்களாகிய நமது நகர்வுகள், நமது முஸ்தீபுகள் எவ்வாறு அமைய வேண்டும்? எமது பொறுப்புக்கள் எவ்வித்தில் எதிர்வினை காட்ட வேண்டும்? ”காற்றுள்ள போதே தூற்றிக்கொள்” எனும் பழமொழிக்கு ஒப்ப எதிர்வரும் ஜானதிபதித் தேர்தலை எவ்விதத்தில் பயன்படுத்திக் கொள்வது? எத்தகைய முடிவை எடுப்பது? போன்ற வினாக்களின் விடைகளின் தொகுப்பாக இக்கட்டுரை உங்களின் சிந்தனக்கு தீனி போடும் இன்ஷா அல்லாஹ்.

9 May 2014

இனவாத வலையும் சிந்திக்க வேண்டிய இலங்கை முஸ்லிம்களும்.

இனவாதம், மதவாதம் போன்ற சொற்கள் இலங்கைக்கு முற்றுப்பெறாத தொடர் கதையாகத்தான் தொடர்கின்றன. பல ஆண்டு இனவாத யுத்தம் முடிவுக்கு வந்த பிறகு சமாதானப் பூங்காவாக திகழவேண்டிய இலங்கை பூமி மீண்டுமொருமுறை பழைய நிகழ்வுகளை மீட்டிப்பார்க்க வேண்டிய ஒரு சந்தர்ப்பம் ஏற்படுமோ என்ற யதார்தமான கேள்வி எழுவதை தவிர்க்க முடியாது. அப்படி எழுவதற்கான ஆறம்ப இனவாத தாக்குதல்கள் கடந்த இரண்டு, மூன்று ஆண்டுகளாக நடைபெற்று வருகின்றமையை ஊடகங்கள் வாயிலாக பார்த்தும் கேட்டும் வருகிறோம். இனவாத காவிகள் அவர்களுடைய இனத்துவேச காய்களை மிக சாதூர்யமாக நகர்தி வருகின்றனர். நகர்வுகள் நாளுக்கு நாள் தீவரப்போக்கை அடைவதையும் கண்டு வருகிறோம்.

18 Apr 2014

நல்லிணக்கம் எனும் போர்வையில் நசுக்கப்படும் சமுதாயம்.

இலங்கையின் இன்றைய நெருக்கடியான சூழ்நிலையில் ”நல்லிணக்கம்” என்ற சொற்பதம் பரவலாக எம் சமூகத்திற்கு மத்தியில் பேசுபொருளாக மாறி இருக்கின்றது. அதேபோல் சகிப்புத்தன்மை, விட்டுக்கொடுப்பு, தாராளத்தன்மை போன்ற சொற்பதங்களும் ”நல்லிணக்கத்திற்கு” இணக்கமாக கையாளப்படுகின்றது. முஸ்லிம்களுக்கு எதிரான இனவாதம் முற்றி முறுக்கேரி பற்றி எறிகின்ற இச்சூழ்நிலையில் இவ்வாறான சொற்பிரயோகங்களினால் அவற்றை அனைப்பதற்கு முயற்சிக்கும் நகர்வுகளாகவே தெரிகிறது. என்றாலும் இனவாத இரும்புக் கரம் இம்மியளவும் அடங்குவதாகத் தெரியவில்லை. இவ்வாறான சொற்பிரயோகங்கள் அவர்களுக்கு அடிபணிகின்ற அல்லது அச்சத்தின் வெளிப்பாடாகவே நோக்கப்படுகிறது, என்றால் அவர்களின் உத்வோகமே இதற்கு சான்று. 

13 Mar 2014

இஸ்லாத்தில் இணங்களுக்கு இடையிலான நல்லிணக்கம்

நம் இலங்கைத் திருநாட்டில் கறை படிந்த வரலாறாக இரு இனங்களுக்கு இடையில் நடைபெற்ற 30 வருட கால  இமாலய யுத்தம், முற்றுப்பெற்று 5 வருடங்கள் பூர்த்தியாகி விட்டன.  அதன் சுதந்திரக் காற்றை மக்கள் சுவாசித்துக் கொண்டிருக்கும் நிலையிலேயே, யுத்த ரகணங்கள் ஆறுவதற்கு முன்னமே, மீளவும்  இன்னொரு சிறுபான்மை இனத்தை நோக்கிய சமிஞ்சைகள் ஒளிர்விட ஆறம்பித்திருக்கின்றன. 30 வருட கால யுத்தத்தின் பிறதான ஆறம்ப கர்த்தா, பெருபான்மை என்ற ஒரே காரணத்திற்காக சிறுபான்மைக்கு எதிராக சட்டத்தை கையில் எடுத்து அடக்குமுறைக்கு உள்ளாக்கியதே வரலாறு சொல்லும் சாட்சியாகும்.  அதே அணுகுமுறை இன்று சிறுபான்மை முஸ்லிம்களுக்கு எதிராகவும் தாண்டவம் ஆடிக் கொண்டிருக்கின்றது. இதன் பிண்ணனியில் செயற்படும் அரக்கர்களின் பிரதான நோக்கம், வரலாற்றில் தமிழினம் ஆயுதம் தூக்கியது போல் முஸ்லிம்களும் ஆயுதம் துக்க வேண்டும். ஆயுதத்தைக் கொண்டு நமக்கு எதிராக களம் காணுவார்களாயின், இதன் எதிரெலியாகவே அரச துணை கொண்டு அவர்களை ஒடுக்கி விடலாம் என்பதுவே அவர்களின் தாரகமந்திரம். இதனைத்தான் கடந்தகால யுத்தம் படம்பிடித்துக் காட்டுகின்றது.