Showing posts with label விமர்சனம். Show all posts
Showing posts with label விமர்சனம். Show all posts

19 Aug 2021

ஊடகப் பயங்கரவாதம்..

 

ஊடகப் பயங்கரவாதம் என்ற ஒரு சொல்லாட்சி இருக்கிறது. ஆனால் என்னைக் கேட்டால் பயங்கரவாதத்தின் உயிர்நாடியே ஊடகங்கள்தான் என்பேன். 
 
ஏகதிபத்திய தேசங்கள் மற்றும் சர்வதிகார அரசுகளின் கனவுகள், நலவுகள், எதிர்பார்ப்புக்கள் எல்லாம் இப்படியான ஊடகங்களினாலே சாத்தியப்படுகிறது.
 
ஒரு இரையான்மையுள்ள நாட்டை தன்னுடைய அரசியல், புவியியல், பொருளியல் நலவுகளுக்காக ஆக்கிரமிப்பு செய்ய வேண்டும் என்றால் அல்லது ஒரு நாட்டின் பெரும்பான்மை சமூகத்தை தங்களுடைய அரசிற்கு ஆதரவாக சிறுபான்மை சமூகத்திற்கு எதிராக தூண்டி விட வேண்டும் என்றால், அதற்கு தோதுவான ஒரு நாடகத்தை தயாரித்து ஒளிபரப்ப வேண்டும்.
 
 இதனை மிக நேர்த்தியாக நிறைவேற்றுகின்றன அதன் அடிமை ஊடகங்கள்.
மட்டுமல்லாமல் மக்களின் மனப்பாங்கை திசை திருப்புவதில் ஊடகங்களின் பங்கு உச்சபட்சம் எனலாம். 
 
தன்னுடைய எஜமானின் எதிரிக்கு எதிராக, எதிராளிகளை உற்பத்தி பன்னுவதில் ஊடகங்களின் வகிபங்கு மிக மோசமானது.
 
இத்தகைய சூழ்ச்சிகள் நிறைந்த ஊடக வலைப்பின்னல்களுக்கு மத்தியில், நடுநிலை ஊடகங்களும் ஆங்காங்கே செயற்படுகின்றன என்பதில் மாற்றுக் கருத்து இல்லை. ஆனால் துரதிஷ்டம் அவைகள் பெரும்பாலும் மக்கள் மயப்படாத, வளங்கள் குறைந்த, மிகவும் அவல நிலையிலே காணப்படுகின்றன. 
 
விரும்பியோ விரும்பாமலோ ஊடகங்களினால் உள்ள உறவு இன்றியமையாததுதான். நாட்டு நடப்புக்கள், உலக விவகாரங்கள் போன்ற செய்திகளை தாங்கி நிற்பது ஊடகங்களே. 
 

ஆனால் நாம் விழித்துக் கொள்ள வேண்டும்; விடயதான விடயப்பரப்பை பொறுத்து, சமூகத்தின் தூரநோக்கை கருத்திற் கொண்டு, ஊடகங்களின் தன்மைகளை அறிந்து, வெளிவரும் செய்திகளின் ஆல அகலங்களை புரிந்து அதனை துறைசார் நல்ல அறிஞர்களிடம் ஒப்படைத்து விளக்கம் எடுத்துக் கொள்வதே புத்தி சாதூர்யமானது. மேலும் நாட்டு சூழலுக்கும், சமூககத்திற்கும் துரும்பிற்கும் பயன்படாத விடயங்களில் அவற்றை அலட்டிக் கொண்டு கருத்துச் சொல்ல முற்படுவதை விட அவற்றை மௌனமாக கடத்துவது, காலம் அவற்றின் முடிச்சுக்களை லாபகமாக அவிழ்த்து விடும்...

17 Aug 2021

மனித சிந்தனை..

சிந்திப்பது, கேள்வி கேட்பது, ஆராய்வது எல்லாம் மார்க்கம் வழியுறுத்திய சிறந்த நடைமுறைகள். ஆனால் எமது சிந்தனை ஆற்றளுக்கும் ஒரு எல்லைக் கோடு உண்டு. அந்த கோடுகள்தான் வஹீ எனும் இறைவனின் செய்திகள். 
 
அந்த எல்லைக் கோட்டைத் தாண்டி எமது சிந்தனைகளையும், கேள்விகளையும் நாம் விரிவு படுத்துவது எம்மை வழிகேட்டில் கொண்டு போய்ச் சேர்த்து விடும். 
 
'அல்லாஹ் அர்ஷின் மீது அமர்ந்தான்' என்றால் அதில் இரண்டு கருத்திற்கும், மாற்று கேள்விக்கும், வியாக்கியனப்படுத்துவதற்கும் இடமில்லை. 
 
உள்ளதை உள்ளது போன்று நம்பிக்கை கொள்வதே அஹ்லுஸ் ஸுன்னாக்களின் அகீதா. 
 
ஆனால் மாற்றுக் கொள்கை உடையோர் அதில் தங்களது சிந்தனையைப் பிரயோகித்து, கேள்விகளை அடுக்கி, 'அர்ஷின் மீது அமர்ந்தான்' என்றால், ஒன்றில் அர்ஷின் மீது அல்லாஹ்வுக்கு தேவை ஏற்படுவதாக இருக்கும் அல்லது அர்ஷ் அவனை விட சிறியதாகவோ பெரியதாகவோ இருக்கும். 
 
எனவே அதனுடைய விளக்கம் அல்லாஹ்வின் ஆட்சியைதான் குறிக்கும் என்று வஹீயை மீறிய சிந்தனையால் வழி தவறியுள்ளனர். 
 
அல்லாஹ்வின் சிருஷ்டிக்கும் ஆற்றலுடன் ஒப்பிடுகையில் எமது சிந்தனைகள் எல்லாம் தோற்றுப் போய் ஆச்சரிய விளிப்பில் போய் முடிந்து விடும். 
 
அந்தளவிற்கு நுண்ணறிவாளனும், பேறாற்றல் மிக்கவனுமாகிய, அந்த ரப்புல் ஆலமீனின் சொல் வாக்கை அப்படியே ஏற்று அதன் எல்லையில் இருந்து நம்பிக்கை கொள்வதுதான் ஒரு முஃமினின் பண்பாகும். 
 
மனிதனுக்கு சொற்பத்திலும் சொற்ப அறிவே வழங்கப்பட்டுள்ளது. 
 
இந்த வானம், பூமி, அண்ட சராசரங்களின் முடிச்சுக்களை அதன் படைப்பாளனைத் தவிர அவனுடைய படைப்பினங்களால் எப்படி அறிந்திட முடியும்?

 
சுபஹானல்லாஹ்!

 

23 May 2021

பொது எதிரி...

 

பொது எதிரியை எப்படி கைகோர்த்து வலிமையாக கையாள வேண்டும் என்பதை முஸ்லிம் சமூகம் இன்னும் உணரவில்லை. உள்நாட்டிலும், சர்வதேச அளவிலும் சரி இதற்கு விதிவிலக்கில்லை என்று சொல்லுமளவிற்கு சிந்தனை வரட்சி பொதுமைப்பட்டிருக்கிறது என்பது கவலையளிக்கிறது.
ஆனால் எதிரிகள் பிரித்தாலும் கொள்கையை பக்காவாக பயன்படுத்தி எம் இதயங்களை கூறு போட்டு ஒற்றுமை எனும் பலத்தை சிதைத்து இருக்கின்றனர்.
ஒட்டுமொத்த முஸ்லிம் சமூகத்தையும் ஓர் உடலாக வர்ணித்தார்கள் நபி (ஸல்) அவர்கள். ஆனால் இன்று அந்த உடலை வைத்தே சமூகத் தலைமைகள், தத்தமது சுயநல உலகாதாயத்திற்காக கடித்துக் குதறி சின்னாபின்னமாக்கி விட்டிருக்கின்றனர். உள்வீட்டுச் சண்டைகளை காரணமாக கொண்டு பொது எதிரியை எதிர்கொள்வதிலும் வேறுபட்டு, சண்டையிட்டு, குரோதம் கொண்டு பிரிந்திருக்கிறோம்.
பலஸ்தீன பிரச்சினையில் சவூதிக்கும் துருக்கிக்கும் வக்காலத்து வாங்கும் சண்டையிலே எமது காலத்தை நாம் கழிக்கிறோம். அதே நேரம் அந்த நாட்டு தலைவர்களும் ஒரே அணியில் பொது எதிரியை எதிர்கொள்ளாமல் சகட்டுமேணிக்கு சில அரசியல், அதிகார வேறுபாடுகளை கொண்டு இரு துருவங்களாக வெறும் அறிக்கையில் தஞ்சம் அடைந்திருக்கிறார்களே தவிர ஆனது ஒன்றுமில்லை. இவ்விரண்டு சுன்னி முஸ்லிம் நாடுகளும் வேற்றுமைகளை மறந்து ஒற்றுமையாக எதிரியை எதிர்கொள்ளக் கூடாது என்பதில் எதிரி தெளிவாக இருக்கிறான். இதை முஸ்லிம் சமூகம் உணராமல் எதிரியின் எதிர்பார்ப்பிற்கு தோதுவாக கணகச்சிதமாக களப்பணி ஆற்றிக் கொண்டிருக்கிறார்கள்.
நபி (ஸல்) அவர்களின் முன்னறிவிப்பு பொய்யாகாது என்பதை மெய்ப்பித்திருப்பதைதான் இவைகள் எடுத்துக் காட்டுகின்றன. முஸ்லிம் சமூகம் எண்ணிக்கையில் அதிகமாக இருப்பார்கள் ஆனால் வெள்ளத்தில் அடிபட்ட சறுகுகள் போல் (ஒற்றுமை இழந்து) பலம் இழந்து இருப்பார்கள். அவர்களை நோக்கி எதிரிகள் பசித்த மிருகம் சாப்பாட்டுத் தட்டை நோக்கி பாய்ந்து வருவதை போல் வருவார்கள் என்று நபி (ஸல்) அவர்கள் முன்னறிவிப்பு செய்தார்கள். சமூகம் இதைதான் இன்று துல்லியமாக கண்டு கொண்டிருக்கிறது.
நபி (ஸல்) அவர்கள் சொன்ன மஹ்தி (அலை) அவர்களின் முன்னறிவிப்பை கொண்டே சமூகம் ஒற்றுமைப் படவிருக்கிறது. அந்த நேரத்தில் முஸ்லிம் சமூகம் முழுப்பலத்துடன் எதிரிகளை அடக்கி வெற்றிவாகை சூடும் என்பதில் சந்தேகம் இல்லை.
இன்ஷா அல்லாஹ்...

17 Sept 2015

விமர்சனக் கண்ணோட்டம்

ஒருவரின் பேச்சு, எழுத்து, நடத்தை, நடவடிக்கை, போங்கு போன்றவைகள் சமூக கட்டமைப்பை தகர்க்கும் அல்லது அச்சுறுத்தும் என்ற நிலையை தோற்றுவிக்குமானால் தயவுதாட்சணமின்றி, காய்தல் உவர்த்தல் இன்றி அவைகளை சமூக மட்டத்தில் மேற்கோள் காட்டி விழிப்புணர்வூட்டப்படுவது இன்றியமையாதது. 

நடு நிலை வாதிகள் இதில் பூசி மெழுகி தளர்வுத் தன்மையை கடைபிடிப்பதானது பல வழிகளிள் பிழையான அணுகுமுறையாகும். 

11 Sept 2015

ஹெம்மாத்தகமை சம்பவம் ஓர் அலசல்

(06.09.2015) ஹெம்மாத்தகமையில் SLTJ யினால் ஏற்பாடு செய்யப்பட்டிருந்த மாற்று மத அன்பர்களுக்கான கேள்வி பதில் நிகழ்ச்சியில், இடை நடுவில் பொதுபல சேனாவின் உறுப்பினர்கள் தலையிட்டு நிகழ்ச்சியை நடத்த விடாமல் குழப்பத்தை விளைவித்தனர். இதைனையடுத்து SLTJ தலைமையகத்தினால் கொழும்பு பொலிஸ் தலைமையகத்தில் பொதுபலசேனாவுக்கு எதிராகவும், ஹெம்மாத்தகம பொலிஸின் பக்கச்சார்பான செயற்பாடு குறித்தும் முறைப்பாடொன்று பதிவு செய்யப்பட்டது.

இச்சம்பவத்தின் பிற்பாடு பலரும் பலவிதமான கருத்துப் பரிமாற்றங்களை மேற்கொண்டிருந்தனர். அனைத்துக் கருத்துக்களையும் பகுப்பாய்ந்து அலசுகின்ற போது இரண்டு நிலைகளையே அவதானிக்க முடிகிறது.

9 Jun 2015

இஸ்லாத்தின் இறைகோட்பாடும் பகுத்தறிவுப் புரிதலும்

கடந்த 15.05.2015 அன்று “இலங்கை சூழலில் காபிர்கள் என்றழைக்கலாமா?"   என்ற தலைப்பில் ஒரு ஆக்கம் விடிவெள்ளியில் பிரசுரமாகியிருந்தது. கட்டுரையாளர் இலங்கையின் கலப்பு இனச் சூழலில் முஸ்லிம் அல்லாதோரைக் ‘காபிர்கள்’ என்று அழைப்பது ஏற்புடையதல்ல என்று, சில காரணங்களை தொகுத்து ஆக்கத்தை முழுமைப்படுத்தியிருந்தார். கட்டுரையாளரின் குறித்த காஃபிர் தொடர்பிலான கருத்தியல் பல கோணங்களில் பிழையானவை என்பதை தெளிவுபடுத்துவதே இவ்வாக்கத்தின் நோக்கம்.

23 May 2015

தப்லீக் தலைக்கனம்

தலைப்பைப் பார்த்ததுமே அசந்து போய் ஏதோ வில்லங்கமா இருக்குமோ? என்று சந்தேகிக்க வேண்டாம். தப்லீக் சகோதரர்கள் சற்று உணர்ச்சிவசப்பட்டு  தலைகால் புரியாமல் மனதிற்குள் திட்டித்தீர்த்துக்கொள்ள வேண்டாம்.  குறித்த தலைப்பில் இவ்வாக்கம் வரையப்படுவதின் பிரதான காரணம், எனது வாழ்வில் நிகழ்ந்த தப்லீக் கார்கூன் ஒருவரினூடான கசப்பான அலவலாவலின் உள்ளார்ந்த வெளிப்பாட்டின் பிண்னணி என்பதை, இவ்வாக்கத்தை ஆறம்பம் முதல் இறுதி வரை இதயசுத்தியுடன் வாசிப்பதினூடாக புரிந்து கொள்ள முடியும். எனவே தலைப்பின் பொருத்தப்பாடு தப்லீகின் அஸ்திவார காட்டுமானப் பணியின் வழுவற்ற, ஸ்திரமற்ற தன்மையே பளிச்சிடுகின்றது.

7 May 2015

வெசாக் அன்னதான நிகழ்வுகளும் முஸ்லிம்களும்

உலகலாவிய பௌத்தர்கள் மே மாதம் பௌர்னமி தினத்தில் வெசாக் எனும் பண்டிகையை கொண்டாடுகின்றனர். பௌத்தர்களை பெருபான்மையாகக் கொண்ட இலங்கையிலும் வெசாக் பண்டிகை வெகு விமர்சையாக கொண்டாடப்பட்டு வருகின்றது. புத்தரின் வரலாற்றைச் சித்தரிக்கின்ற வகையில் மின் விளக்குகளால் அலங்கரிக்கப்பட்ட  தோரணங்கள், வெசாக் கூடுகள், பிரித் வைபகங்கள், அன்னாதான நிகழ்வுகள் என பல்வேறு அம்சங்களின் தொகுப்புக்களால் வெசாக் பண்டிகை விழாக் கோளமிடுகிறது. குறிப்பாக அன்னதான நிகழ்வுகள் நாட்டின் நாலாபுரங்களிலும் மக்கள் அலை மோதுகின்ற அளவில்  நடைபெறுகிறது.
 
இவ்வன்னதான நிகழ்வுகளில் முஸ்லிம் பெயர் தாங்கிய அப்துல்லாக்களும், பாத்திமாக்களும் பங்குபற்றும் காட்சியே மிகப் பரிதாபகரமானது. அன்னாதானமாக பரிமாரப்படும் உணவுகளுக்காக ஆண்கள் பெண்கள் குழந்தைகள் சகஜம் மணிக்கணக்கில் காத்திருக்கும் அவலக் காட்சியை  ஊர்கள் பாரபட்ச்சமின்றி வருடம் தோறும் கண்களால் காணக்கிடைக்கிறது.

7 Apr 2015

முகநூலில் முலாம் இடப்பட்டிருக்கும் தனிநபர் தாக்குதல்கள்..




முகநூலில் பரவலாக தனி நபர்களை நோக்கி மட்டுமே தமது விமர்சனங்களை குறிவைக்கும் கீழ்தரமான தஃவா முறையை இயக்க வேறுபாடின்றி அனைவருமே கையிலேந்திருக்கும் ஒரு துரதிஷ்ட நிலையையே காணக்கூடியதாக இருக்கின்றது. இவ்வாறு மாற்றுக் கருத்துடையவர்களை அவர்களின் சில சொந்த வாழ்க்கையை இழுத்து அவர்களின் தனிப்பட்ட குறைகளை அம்பலப்படுத்தும், இஸ்லாம் வெறுக்கின்ற செயற்பாட்டை செய்து வருகின்றனர். போதாக்குறையாக, இதை நியாயப்படுத்த தம்பக்கம் நியாயத்தையும் சுமந்து கொள்கின்றனர், அதாவது "நீங்கள் மட்டும் எல்லை மீறி நமது சொந்த விடயங்களை சந்திக்கு இழுப்பீர்கள்; நாங்கள் பதிலீடாக மட்டும் சொன்னால் அளவு கடந்த விமர்சனம் என்பீர்கள்" என்றொரு நீதி இல்லாத நியாத்தை சொல்கிறார்கள். ஆனால் இஸ்லாம் ஆகுமாக்காத ஒன்றை இவ்வாறு இன்னொருவர் செய்கிறார்கள் என்பதற்காக தாமும் அதை ஆகுமாக்கிக் கொள்வது அறியாமையின் உச்சகட்டமாகும். 

25 Feb 2015

அன்பான அழைப்பு..

அல்லாஹ் அல்லாதவைகளை அவனின் இடத்தில் வைத்து அவைகளை கடவுள் நிலைக்கு உயர்த்தும், அல்லாஹ்விடத்தில் மிகப்பெரும் பாவமாக இணைவைப்பு கருதப்படுகிறது. இதற்கு முற்றிலும் எதிராக  அழைப்புப்பணியை மேற்கொள்வது
ஒவ்வொரு முஸ்லிமினதும் தாரகமந்திரமாகவும், அத்தியவசியமானதும், எல்லாவற்றையும் தாண்டி முதன்மையானதாகவும் இருத்தல் வேண்டும்.

மேலும் நபி ஆதம் (அலை) அவர்கள் முதல் நபி (ஸல்) அவர்கள் வரை உலகிற்கு அனுப்பப்பட்ட அனைத்து நபிமார்களும் அல்லாஹ்வை மட்டுமே வணங்கும் ஓரிறைக் கொள்கையை, ஷிர்க்கிற்கு எதிரான தமது உச்சகட்ட பிரச்சாரத்தை உயிரையும் துச்சமாக மதித்து மேற்கொண்டார்கள். அன்றைய சமூகத்தினரிடயே காணப்பட்ட, கடவுள் தன்மைக்கு களங்கத்தை ஏற்படுத்தும் அனைத்து ஷிர்க்கான காரியங்களிற்கும் எதிராக குரலை உயர்த்தினார்கள். ஒட்டுமொத்த நபிமார்களும் ஓங்கி ஒலித்த கொள்கை முழக்கத்தை, அவர்களுக்கு பின் தொடர்சியாக அவர்களின் முன்மாதிரிகளை பின்பற்றும் ஒவ்வொரு தனி நபர்களும், இஸ்லாமிய இயக்கங்களும் முதன்மையாகவும், தீவிரமாகவும் பற்றிப்பிடித்து உயரிய சமூக மாற்றத்திற்கான பங்களிப்பை செய்ய வேண்டிய பொறுப்பும், கடப்பாடும் இன்றியமையாததாகும்.

13 Feb 2015

பெப்ரவரி 14: காதலர் தினமா? காமுகர் தினமா?

வருடா வருடம் பெப்ரவரி 14ஆம் திகதி உலகலாவிய ரீதியில் காதலர் தினம் அனுஷ்டிக்கப்பட்டுவருகின்றது. காதலுக்கு மரியாதை, காதலில்லா உலகமில்லை, காதல் செய் காவியம் படைக்கலாம் போன்ற தொனிப்பொருள்களின் கீழ்  உலகின் பல நாடுகளிலுமுள்ள காதல் மன்னர்கள், காதல் அபிமானிகளால் வெகுவிமர்சையாக கொண்டாடப்பட்டுவருகின்றது. வருடத்தில் கொண்டாடப்பட்டு அனுஷ்டிக்கப்படும்  அன்னையர் தினம், ஆசிரியர் தினம், சிறுவர் தினம் போன்ற தொடச்சியில் காதலர் தின கொண்டாட்டத்தின் நோக்கமும், முதலாலித்துவ கோட்பாட்டு முதலைகளின் வர்த்தக மயமாக்கலேயென்றால் அதில் மிகையில்லை. மேலும் காதலர் தினம் மனிதனின் இயல்பான கதலுணர்வை பிரதிபலித்து காத்திரமான ஒரு கட்டுக்கோப்பான அளவுகோளுடன்  கொண்டாடப்படக்கூடிய நாளாக அனுஷ்டிக்கப்படுமானால் அதில் ஓரளவு நியாயம் உண்டு. ஆனால் காதலர் தினம்  உறுச்சிதைந்த சிலையாக காமுகர் தினமாக உருமாற்றப்பெற்று சமூகச் சீரழிவை நோக்கிய அடிச்சுவடுகளை பதியவைத்துள்ளது.

18 Apr 2014

நல்லிணக்கம் எனும் போர்வையில் நசுக்கப்படும் சமுதாயம்.

இலங்கையின் இன்றைய நெருக்கடியான சூழ்நிலையில் ”நல்லிணக்கம்” என்ற சொற்பதம் பரவலாக எம் சமூகத்திற்கு மத்தியில் பேசுபொருளாக மாறி இருக்கின்றது. அதேபோல் சகிப்புத்தன்மை, விட்டுக்கொடுப்பு, தாராளத்தன்மை போன்ற சொற்பதங்களும் ”நல்லிணக்கத்திற்கு” இணக்கமாக கையாளப்படுகின்றது. முஸ்லிம்களுக்கு எதிரான இனவாதம் முற்றி முறுக்கேரி பற்றி எறிகின்ற இச்சூழ்நிலையில் இவ்வாறான சொற்பிரயோகங்களினால் அவற்றை அனைப்பதற்கு முயற்சிக்கும் நகர்வுகளாகவே தெரிகிறது. என்றாலும் இனவாத இரும்புக் கரம் இம்மியளவும் அடங்குவதாகத் தெரியவில்லை. இவ்வாறான சொற்பிரயோகங்கள் அவர்களுக்கு அடிபணிகின்ற அல்லது அச்சத்தின் வெளிப்பாடாகவே நோக்கப்படுகிறது, என்றால் அவர்களின் உத்வோகமே இதற்கு சான்று.