Showing posts with label கட்டுரைகள். Show all posts
Showing posts with label கட்டுரைகள். Show all posts

8 Sept 2021

துரருள் பஹிய்யா (அழகான முத்துக்கள்) தொடர் 09

 

துரருள் பஹிய்யா (அழகான முத்துக்கள்)

🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷


ஆசிரியர் : இமாம் ஷவ்கானி 

மரணம் : ஹிஜ்ரி 1250 

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர் 

தொடர் : 09


நோன்பு

⚪⚪⚪⚪


• நம்பிக்கையான, நேர்மையான முஸ்லிம் பிறையைக் கண்டால் ரமழான் நோன்பு பிடிப்பது வாஜிப். அல்லது ஷஃபான் முப்பதாக பூர்த்தியாகிவிட்டாலும் ரமழான் நோன்பு பிடிப்பது வாஜிப்.


• 30 நாட்கள் ரமழானில் நோன்பு நோற்க வேண்டும். 30ஆவது இறவில் பிறை தென்பட்டாலே தவிர. 


• ஒரு ஊரிலே பிறை கண்டால் அந்த ஊருடைய உதயத்திற்கு ஒத்த ஊர்கள் அனைத்தும் நோன்பு வைக்க வேண்டும். 


• நோன்பு பிடிக்கின்றவர் பஜ்ருக்கு முன்னரே நிய்யத் வைத்தல் வேண்டும்.  


நோன்பை முறிக்கக் கூடிய விடயங்கள் 

🔹🔹🔹🔹🔹🔹🔹🔹🔹🔹🔹🔹🔹🔹🔹🔹


• சாப்பிடுவது 

• குடிப்பது 

• கணவன் மனைவி உறவு கொள்வது 

• தேவையேற்பட்டு வலிந்து வாந்தி எடுத்தல்


o தொடர்சியாக நோன்பு நேற்றல் கூடாது ( சஹரிலிருந்து அடுத்த நாள் மஃரிப் வரை அல்லது அதற்கடுத்த நாள் மஃரிப் வரை தொடர்தல்) 


o கணவன் மனைவி உறவு மூலம் யார் நோன்பை முறித்து விட்டாரோ அவர் லிஹாருடைய குற்றப் பரிகாரத்தை நிறைவேற்ற வேண்டும். ( வேண்டுமென்று அல்லாமல் மறதியினால் அல்லது உணர்ச்சி மேலீட்டால் கணவன் மனைவி உறவு ஏற்பட்டால் ஓர் அடிமையை உரிமை விடல் வேண்டும் அல்லது தொடர்ச்சியாக விடாமல் 60 நாட்கள்  நோன்பு நோற்க வேண்டும் அல்லது 60 ஏழைகளுக்கு உணவளிக்க வேண்டும்) 


o நோன்பு திறத்தலை அவசரப்படுத்துதலும் சஹரை பிற்படுத்துதலும் சிறந்தது. 


o மார்க்க ரீதியான காரணங்களுக்காக ஒருவர் நோன்பை விட்டால் அவர் கழா செய்ய வேண்டும். 


o பிரயாணிக்கு நோன்பை விடுவது சலுகை வழங்கப்பட்டிருக்கிறது


o யுத்த களத்தில் அல்லது பிரயாணத்தில் ஒருவர் அழிவை பயந்தால் அவர் நோன்பை விடுவது வாஜிப். 


o நோன்பு கடமையான நிலையில் ஒருவர் மரணித்தால் அவருடைய பொறுப்பாளர் அவர் சார்பாக நோன்பு வைக்க வேண்டும். (நேர்ச்சை நோன்பாக இருந்தால்தான் பொறுப்பாளர் நோன்பு வைக்க முடியுமே தவிர ரமழானுடைய கழா நோன்புக்காக அல்ல. ரமழானுடைய கழா நோன்புக்காக பொறுப்பாளர்கள் விட்ட நோன்புக்கு பகரமாக ஒரு ஏழைக்கு உணவளிக்க வேண்டும்) 


o வயதாகி முதிர்ந்து போய் நிரந்தர நோயாளியாக நோன்பை பிடிக்க முடியாதவர்கள் ( நிரந்தரமாக கழா செய்யவும் முடியாதவர்கள்) விட்ட ஒரு நோன்பிற்கு பகரமாக ஒரு ஏழைக்கு உணவளித்தல் வேண்டும். 


o சுன்னத்தான நோன்பை பொறுத்தவரை அவர் விரும்பினால் விடலாம் அல்லது தொடரலாம். கழாவும் கிடையாது குற்றப் பரிகாரமும் கிடையாது. 


சுன்னத்தான நோன்புகள்

🔹🔹🔹🔹🔹🔹🔹🔹🔹🔹🔹


• ஷவ்வால் மாதத்தில் ஆறு நோன்பு பிடித்தல். (ஷவ்வாலுடைய ஆரம்பத்திலிருந்து தொடர்தேர்ச்சியாக  பிடிக்க வேண்டும் என்பதல்ல. ஷவ்வால் மாதத்திற்குள் பிடிக்க வேண்டும்) 


• துல் ஹிஜ்ஜாவுடைய ஒன்பதாவது நாள் அறபா தின நோன்பு பிடித்தல்.


• முஹர்ரம் மாதத்தில் நோன்பு பிடித்தல் 


• ஷஃபான் மாதத்தில் நோன்பு பிடித்தல் 


• திங்கள், வியாழன் நேன்பு வைத்தல்


• ஐயாமுல் பீலுடைய நாட்களில் நோன்பு பிடித்தல். (மாதத்தில் வெள்ளை நாட்கள் என்று சொல்லக்கூடிய 13,14,15 நாட்கள்; இது அல்லாமல் மாதத்தில் 3 நாட்கள் பிடிப்பதும் சிறந்தது) 


• சுன்னத்து நேன்புகளிலே சிறந்தது ஒரு நாள் விட்டு ஒரு நாள் நோன்பு பிடிப்பதாகும். 


o காலம் முழுதாக நோன்பு பிடிப்பது வெறுக்கத்தக்கது. 


o சனிக்கிழமை தனியாகவோ அல்லது வெள்ளிக்கிழமை தனியாகவோ நோன்பு பிடித்தல் கூடாது. (தொடர்ந்து ஒருவர் ஒரு நாள் விட்டு ஒரு நாளோ அல்லது சிறப்பாக்கப்பட்ட சுன்னத்தான நோன்புகளையோ பிடிப்பதாக இருந்தால் அவர் இந்த சட்டத்திற்குள் வரமாட்டார் விரும்பி தேர்ந்தெடுத்துப் பிடிப்பதையே  குறிக்கும்) 


o பெருநாள் தினத்தில் நோன்பு பிடிப்பது கூடாது. 


o ஐயாமுத் தஷ்ரீக்குடைய அதாவது துல்ஹிஜ்ஜாவுடைய 11,12,13 நாட்களில் நோன்பு பிடித்தல் கூடாது. (தமத்துஃ ஹஜ் செய்தவர் குர்பான் கொடுக்க வசதி இல்லாவிட்டால் அவர் வைக்க வேண்டிய பத்து நோன்பில் மக்காவில் வைத்து பிடிக்க வேண்டிய மூன்று நேன்புகளில் இந்த மூன்று நாட்கள் விதிவிலக்காகும்) 


o ரமழானுக்கு முந்திய நாளும் அதற்கு முந்திய நாளும் நேன்பு வைக்கக் கூடாது.

4 Sept 2021

துரருள் பஹிய்யா (அழகான முத்துக்கள்) தொடர் 08

 

துரருள் பஹிய்யா (அழகான முத்துக்கள்)

🟠🟠🟠🟠🟠🟠🟠🟠🟠🟠🟠🟠🟠🟠🟠🟠🟠


ஆசிரியர் : இமாம் ஷவ்கானி 

மரணம் : ஹிஜ்ரி 1250 

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர் 

தொடர் : 08


தங்கம் வெள்ளியுடைய ஸகாத்

*************************************

•தங்கத்திலோ வெள்ளியிலோ ஒரு வருடம் பூர்த்தியாகிவிட்டால் பத்தில் ஒன்றில் கால்வாசில் ஒன்றில் கால்வாசில் ஒன்று கொடுக்க வேண்டும். அதாவது 2.5% சதவீதமாகும். அது அதனுடைய நிஸாபை(எல்லையை) அடையும் பட்சத்தில்.


•தங்கத்தினுடைய நிஸாப் 20 தீனாராகும். அதாவது 10.5 பவுன் அல்லது 85 கிராம் எனும் அன்னலவான எடுகோளை எடுக்கலாம். 


•வெள்ளியுடைய நிஸாப் 200 திர்ஹமாகும். அதாவது 595 கிராமாகும். இதற்கு குறைய ஸகாத் கிடையாது. 


•இது அல்லாமல் உள்ள எந்தவித ஆபரணங்களுக்கும் ஸகாத் கிடையாது.


•வியாபாரப் பொருட்களில் ஸகாத் கடமை இல்லை. (வியாபாரப் பொருட்களுக்கும் ஸகாத் கடமை என்பதுதான் சரியான கருத்து) 


தாவர விளைச்சல்களுடைய ஸகாத் 

*******************************************


•பத்தில் ஒன்று (10% சதவீதம்) ஸகாத் கொடுக்க வேண்டும். 


•தொலிக் கோதுமை, வாட் கோதுமை, சோலகம், பேரீத்தம் பழம், திராட்சை என்பவற்றில் கடமையாகும். பத்தில் ஒன்று என்பது மழை நீரினால் விளைச்சல் ஏற்பட்டிருக்க வேண்டும் என்பது நிபந்தனையாகும். 


•உரிமையாளரின் சொந்த உழைப்பில் நீர் பாய்ச்சி விளைந்திருந்தால் பத்தில் ஒன்றில் அறைவாசி (5% சதவீதம்) கடமையாகும். 


•இதனுடைய நிஸாப் 5 வஸக்குகளாகும். 1 வஸக் 60 ஸாவாகும். 1 ஸா 2.5 கிலோ கிராமாகும். ஆக 5 வஸக்குகள் என்பது 750 கிலோ கிராமாகும். 


•இது தவிர வேறு எந்த தாவர விளைச்சல்களிலும் ஸகாத் கடமை இல்லை. 


•தேனில் பத்தில் ஒரு பங்கு (10% சதவீதம்) ஸகாத் கொடுக்க வேண்டும். 72 கிலோ கிராம் நிஸாபை அடைந்தால்.


ஸகாத்துடைய பொதுவான அடிப்படைகள் 

**************************************************

•ஸகாத்தை அவசரப்படுத்திக் கொடுப்பது கூடும்.


•ஆட்சியாளர் அந்தந்த பிரதேசத்தில் எடுக்கப்பட்ட ஸகாத்தை அந்த பிரதேசத்திலே பகிர்ந்தளித்தல் வேண்டும். 


•ஆட்சியாளர் அநியாயக் காரராக இருந்தாலும் உரிய ஸகாத்தை ஒப்படைத்து விட்டால் அவருடைய கடமை முடிந்து விடும். 


ஸகாத் பெற தகுதியானவர்கள் / தகுதியற்றவர்கள்

*************************************************************

•8 கூட்டத்தினர் ஸகாத் பெற தகுதியானவர்களாவர். பரம ஏழைகள், ஏழைகள், இஸ்லாமிய ஆட்சியில் ஸகாத் வசூலிப்பதற்காக உழைப்பவர்கள், இஸ்லாத்தை நேசிப்பவர்கள் / இஸ்லாத்தை ஆதரவு வைப்பவர்கள், அடிமைகள், கடனாளிகள், அல்லாஹ்வின் பாதையில் போராடுபவர்கள், வழிப்போக்கர்கள்.


•நபி (ஸல்) அவர்களின் பரம்பரையினர் அவர்களால் அடிமை விடப்பட்டவர்கள் ஸகாத் பெற தகுதியற்றவர்களாவர். 


•பணக்காரர்கள், நல்ல முறையில் உழைத்து வருமானம் ஈட்ட முடிந்தவர்களும் ஸகாத் பெற தகுதியற்றவர்களாவர். 


ஸதகத்துல் பித்ர் (பெருநாள் தர்மம்) 

******************************************

•இதனுடைய அளவு 1 சாவாகும். (1 சா என்பது  2.5 கிலோ கிராமாகும்) 


•ஒவ்வொரு அங்கத்தினவர்களுக்கும் இது கடமையாகும். 


•அடிமைக்கு எஜமானும், குழந்தைகள் சிறுவர்களுக்கு அவர்களின் பொறுப்புதாரிகளும் கொடுக்க வேண்டும். 


•பெருநாள் தொழுவதற்கு முன் கொடுத்தாக வேண்டும். 


•அன்றைய தினம் சாப்பிடுவதற்கு எதுவுமில்லாதவர்கள் அல்லது அதற்கு போதுமான வசதியற்றவர்கள் அல்லது வேலைக்கு மட்டும் சாப்பிடுவதற்கு தேவையான வசதியைக் கொண்டவர்களுக்கு கடமை இல்லை. 


•ஸகாத் பெற தகுதியான 8 கூட்டத்தினருக்கும் இதனை வழங்கலாம். 


ஐந்தில் ஒன்று (20% சதவீதம்)  கொடுக்க வேண்டிய கட்டங்கள்

*************************************************************************


•யுத்த களத்தில் விடப்பட்ட கனீமத் சொத்துக்கள் 


•நிலத்தில் இருந்து எடுக்கப்பட்ட புதையல். புதையல் தவிர நிலத்தில் இருந்து எடுக்கப்பட்ட எந்தப் பொருளிலும் கடமை இல்லை.

1 Sept 2021

துரருள் பஹிய்யா (அழகான முத்துக்கள்) தொடர் 07


 துரருள் பஹிய்யா (அழகான முத்துக்கள்)


ஆசிரியர் : இமாம் ஷவ்கானி 

மரணம் : ஹிஜ்ரி 1250 

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர் 

தொடர் : 07


ஸகாத்

✴✴✴✴


பின்வருகின்ற சொத்துக்களில் ஸகாத் கடமையாகும் அதற்கு உரிமையாளர் கடமையாகின்ற குழுவில் இருந்தால்..


கால் நடைகள்

ஒட்டகம், மாடு, ஆடு


ஒட்டகத்தின் ஸகாத்

*********************** 

• 5 ஒட்டகங்கள் இருந்தால் ஒரு வருடம் பூர்தியான 1 ஆடு ஸகாத் கடமையாகும்.


• பின்னர் ஒவ்வொரு ஐந்திலும் 1 ஆடு கடமையாகும் (உ+ம் 10 ஒட்டகங்கள் = 2 ஆடுகள்) 


• 25ஐ அடைந்தால் ஒரு வருடம் பூர்த்தியான 1 பெண் ஒட்டகம் அல்லது இரண்டு வருடம் பூர்த்தியான 1 ஆண் ஒட்டகம் கடமையாகும். 35 வரைக்கும் இதுதான் கணக்காகும் ( உ+ம் 20 ஒட்டகங்கள் = 4 ஆடுகள், 34 ஒட்டகங்கள் = ஒரு வருடம் பூர்த்தியான 1 பெண் ஒட்டகம் அல்லது இரண்டு வருடம் பூர்த்தியான 1 ஆண் ஒட்டகம் ) 


• 36 ஆகிவிட்டால் இரண்டு வருடம் பூர்த்தியான 1 பெண் ஒட்டகம் கடமையாகும். 45 வரைக்கும் இதே கணக்குதான். (உ+ம் 45 ஒட்டகங்கள் = இரண்டு வருடம் பூர்த்தியான 1 பெண் ஒட்டகம்) 


• 46 ஆகிவிட்டால் மூன்று வருடம் பூர்த்தியான 1 பெண் ஒட்டகம் கடமையாகும். 60 வரைக்கும் இதே கணக்குதான். 


• 61 ஆகிவிட்டால் நான்கு வருடம் பூர்த்தியான 1 பெண் ஒட்டகம் கடமையாகும். 75 வரைக்கும் இதே கணக்குதான். 


• 76 ஆகிவிட்டால் இரண்டு வருடம் பூர்த்தியான 2 பெண் ஒட்டகங்கள் கடமையாகும். 90 வரைக்கும் இதே கணக்குதான். 


• 91 ஆகிவிட்டால் மூன்று வருடம் பூர்த்தியான 2 பெண் ஒட்டகங்கள் கடமையாகும். 120 வரைக்கும் இதே கணக்குதான். 


• 120ஐ தாண்டிவிட்டால் ஒவ்வொரு நாற்பதிலும் இரண்டு வருடம் பூர்த்தியான 1 பெண் ஒட்டகம் கடமையாகும். ஒவ்வொரு ஐம்பதிலும் மூன்று வருடம் பூர்த்தியான 1 பெண் ஒட்டகம் கடமையாகும். (உ+ம் 150 ஒட்டகங்கள் = மூன்று வருடம் பூர்த்தியான 3 பெண் ஒட்டகங்கள், 200 ஒட்டகங்கள் = இரண்டு வருடம் பூர்த்தியான 4 பெண் ஒட்டகங்கள் அல்லது மூன்று வருடம் பூர்த்தியான 5 பெண் ஒட்டகங்கள்) 


மாட்டுடைய ஸகாத்

***********************

ஒவ்வொரு 30 மாடுகளிலும் ஒரு வருடம் பூர்த்தியான 1 பெண் கன்றோ அல்லது 1 ஆண் கன்றோ கடமையாகும். (உ+ம் 60 மாடுகள் = ஒரு வருடம் பூர்த்தியான 2 கன்றுகள், 44 மாடுகள் = ஒரு வருடம் பூர்த்தியான 1 கன்று)


ஒவ்வொரு 40 மாடுகளிலும் இரண்டு வருடம் பூர்த்தியான 1 பெண் மாடோ 1 ஆண் மாடோ கடமையாகும். பின்னர் இதன் படியே கடமையாகும். (உ+ம் 70 மாடுகள் = ஒரு வருடம் பூர்த்தியான 2 கன்றுகள், 100 மாடுகள் = இரண்டு வருடம் பூர்த்தியான 2 மாடுகள் அல்லது ஒரு வருடம் பூர்த்தியான 3 கன்றுகள்)


ஆட்டுடைய ஸகாத்

**********************

40 ஆடுகள் இருந்தால் 1 ஆடு கடமையாகும். 120 வரைக்கும் இதே கணக்குதான். (உ+ம் 119 / 120 ஆடுகள் = 1 ஆடு)


121 ஆகிவிட்டால் 2 ஆடுகள் கடமையாகும். 200 வரைக்கும் இதே கணக்குதான். ( உ+ம் 119 / 200 ஆடுகள் = 2 ஆடுகள்) 


201 ஆகிவிட்டால் 3 ஆடுகள் கடமையாகும். 300 வரைக்கும் இதே கணக்குதான். 


301 ஆகிவிட்டால் 4 ஆடுகள் கடமையாகும். பின்னர் ஒவ்வொரு 100 ஆடுகளிலும் 1 ஆடு கடமையாகும். (399 வரைக்கும் 3 ஆடுகள்தான் என்பது பெரும்பாலான இஸ்லாமிய அறிஞர்களின் கருத்தாகும்) 


சேர்ந்திருப்பதை பிரிக்கக் கூடாது பிரிந்திருந்த்தை சேர்க்கக் கூடாது. 


கடமையானதற்கு குறைய எதிலும் ஸகாத் இல்லை.


கூட்டாக செயற்படும் போது ஸகாத் கொடுக்கப்பட்ட பெருமதியை அதற்கேற்றாற் போல் பிரித்துக் கொள்ளல் வேண்டும். 


நோயுள்ள, அங்கக் குறையுள்ள, சின்னதாக மெலிந்த, குட்டி ஈன்றாதவைகளை ஸகாத் கொடுக்கக் கூடாது. உரிமையாளரிடமிருந்து அவர் நன்கு பராமரித்து விருப்பமாக வளர்த்து வந்ததை எடுக்கக் கூடாது

15 Jun 2021

துரருள் பஹிய்யா (அழகான முத்துக்கள்) தொடர் 06

 

துரருள் பஹிய்யா (அழகான முத்துக்கள்)


ஆசிரியர் : இமாம் ஷவ்கானி 

மரணம் : ஹிஜ்ரி 1250 

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர் 

தொடர் : 06


ஜனாசாவுடைய சட்டங்கள்

************************************

• நோயாளர்களை நோய் விசாரிக்கச் செல்வது சுன்னா

• மரணத் தருவாயில் இருப்பவருக்கு ஷஹாதா கலிமா சொல்லிக் கொடுப்பது சுன்னா

• ஜனாசாவை கிப்லாவின் பக்கம் திருப்புவது சுன்னா (ஹதீஸில் இதற்கு சஹீஹான எந்தவித ஆதாரமும் இல்லை)

• மரணித்தவரின் இரண்டு கண்களையும் மூடி விடுவது சுன்னா 

• மரணித்துக் கொண்டிருப்பவருக்கு யாஸின் ஓதுவது சுன்னா (இது சம்பந்தமான ஹதீத்கள் ஆதரமற்றவைகளாகும்)

• ஜனாசாவை அடக்குவதற்கு இயன்றளவு அவசரப்படுத்தல் வேண்டும் மூன்று காரணங்களைத் தவிர. 

1. இறந்து விட்டார் என்பதை உறுதி செய்வதற்காக

2. கடன் விடயங்களுக்காக

3. ஜனாசாவை அடக்குவதற்குண்டான முக்கிய பணிகளுக்காக

 

• ஜனாசாவை முத்தமிடுதல் கூடும்

• மரணத்திற்கு அண்மித்தவர் இறைவன் பற்றிய நல்லெண்ணத்துடன் இருக்க வேண்டும். இறைவனிடம் பாவமன்னிப்புத் தேடல் வேண்டும். எல்லாவிதமான கடமைகள், உரிமைகள், பொறுப்புக்களை உரிய முறையில் ஒப்படைத்து விடல் வேண்டும். 

• உயிரோடு உள்ளவர்கள் இறந்த முஸ்லிமை குளிப்பாட்டுவது கடமை. 

• நெருக்கமானர் அவருடைய உறவினரை குளிப்பாட்டுவதற்கு மிகவும் தகுதியானவர். ஆணுக்கு ஆணும், பெண்ணுக்கு பெண்ணும் குளிப்பாட்ட வேண்டும். கணவனுக்கு மனைவியும், மனைவிக்கு கணவனும் குளிப்பாட்டுவது சிறந்ததாகும்.

• கழுவுதல் என்பது மூன்று முரை அல்லது ஐந்து முறை இருத்தல் வேண்டும். அல்லது அதைவிட அதிகமாக ஒற்றைப்படையில் இருத்தல் வேண்டும். 

• தண்ணீராலும் இலந்தை இலையைக் கொண்டும் கழுவ முடியும். கடைசியாக கற்பூரத்தை கலந்து கழுவுதல் வேண்டும். (இலந்தை இலை கற்பூரம் இல்லாவிட்டால் வேறு வாசனைப் பொருட்களை பயன்படுத்த முடியும்)

• வலது பக்கத்திலிருந்தும் வுழூவுடைய உறுப்புக்களை முற்படுத்தியும் கழுவுதல் சிறந்ததாகும். 

• யுத்த களத்தில் கொல்லப்பட்ட ஷஹீத், குளிப்பாடப் பட மாட்டார். 

• கபன் செய்வது வாஜிப். முடிந்தளவு மறைக்கக் கூடிய அமைப்பில் கபனிடல் வேண்டும். அளவுக்கதிகமாக, ஆடம்பரத்தை தவிர்த்துக் கொள்ளல் வேண்டும். 

• வெள்ளை நிறம் சிறந்தது. கட்டாயம் அல்ல. 

• முழு உடலையும் மூன்று முறை சுற்றி கபனிடுவது சுன்னா. 

• யுத்த களத்தில் கொல்லப்பட்ட ஷஹீத் எந்த ஆடையில் இருந்தாறோ அந்த ஆடையிலே கபனிட்டு அடக்கம் செய்தல் வேண்டும். 

• ஜனாசாவுடைய உடலிலும் கபன் ஆடையிலும் வாசம் பூசுவது சுன்னாவாகும். 


ஜனாசா தொழுகை

**************************

• இந்த தொழுகை பர்ளு கிபாயாவாகும். 

• ஆண் ஜனாசாவாக இருந்தால் ஜனாசாவின் தலைமாட்டில் இருந்து தொழுவிக்க வேண்டும். பெண் ஜனாசாவாக இருந்தால் ஜனாசாவின் இடுப்புப் பகுதியில் இருந்து தொழுவித்தல் வேண்டும். 

• தொழுகையில் நான்கு முறையோ ஐந்து முறையோ தக்பீர் சொல்லல் வேண்டும்.

• ஆரம்ப முதலாவது தக்பீருக்குப் பின்னால் சூரத்துல் பாத்திஹா ஓதுதல் வேண்டும். விரும்பினால் சூரத்துல் பாத்திஹாவிற்குப் பிறகு துணை சூரா ஏதாவது ஒன்றை ஓத முடியும்.

• இரண்டாவது தக்பீருக்குப் பின்னால் ஸலவாத்துல் இப்ராஹீமா ஓதுதல் வேண்டும்.

• மூன்றாவது தக்பீருக்கு பின்னால் ஜனாசாவிற்காக தூஆ பிரார்த்தனை செய்ய வேண்டும். 

• நான்காவது தக்பீர் சொல்லி ஸலாம் கொடுத்தல் வேண்டும்.

• ஒவ்வொரு தக்பீருக்குப் பின்னாலும் வந்த துஆக்களை கேட்டுக் கொள்ளலாம்.

• யுத்த களத்தில் கனீமத் பொருட்களை பிரிப்பதற்கு முதல் அதில் ஏதாவதொன்றை எடுத்து மரணித்தால் அவருக்கு ஜனாஸா தொழுகை இல்லை. 

• தற்கொலை செய்தவருக்கு தொழுவித்தல் கூடாது

• காஃபிருக்கு தொழுவித்தல் கூடாது.

• யுத்த களத்தில் கொல்லப்பட்ட ஷஹீத்களுக்கு தொழுவித்தல் கூடாது. 

• கப்ரில் ஜனாசாவிற்காக தொழலாம்

• ஜனாசாவிற்கு தொழுகை நடாத்தப் படா விட்டால் அவருக்காக காயிப் ஜனாசா தொழுகை நடத்தலாம்.


• மிக வேகமாக ஜனாசாவை கொண்டு செல்லல், ஜனாசாவோடு நடந்து செல்லல், ஜனாசாவை சுமத்தல் ஆகியவை சுன்னாவாகும்.

• ஜனாசாவை முந்திச் சென்றாலும் அல்லது பிந்தொடர்ந்து சென்றாலும் அதற்கான கூலியில் வித்தியாசமில்லை. 

• வண்டியில் போவது வெறுக்கத்தக்கது. வரும் பொழுது வண்டியில் வருவது விரும்பத்தக்கதாகும். 

• ஜனாசாவை பரை அடித்தல், சத்தம் போட்டு அழுதல், ஜனாசாவிற்குப் பின்னால் நெருப்புப் பந்தல் கொண்டு செல்லல், ஆத்திரத்தில் ஆடையை கிழித்துக் கொள்லல், அழிவை வேண்டுதல், போன்றவைகள் கூடாது. ஜனாசாவை கொண்டு செல்லும் போது உட்காரக் கூடாது ஜனாசாவை வைக்கும் வரைக்கும்.


ஜனாசாவை அடக்குதல் 

******************************


• அடக்கும் போது மிருகங்கள், பிராணிகள் சேதம் விளைவிக்காத வகையில் பாதுகாப்பாக அடக்குதல் வேண்டும். 

• நேரடியாக குழி தோன்றி அடக்குவதும் தவறில்லை. குறுக்காக வைத்து அடக்குவது சிறந்தது. 

• மையித்தின் கால்மாட்டாக கப்றில் வைக்க வேண்டும் 

• வலது புறம் கிப்லாவை முன்னோக்கி வைத்தல் வேண்டும். 

• ஜனாசாவில் கலந்து கொண்டவர்கள் மூன்று பிடி மண் போடுதல் சிறந்தது. (இதற்கான ஆதரபூர்வமான ஹதீத்கள் இல்லை) 

• கப்றுகளை ஒரு சாணுக்கு மேல் உயர்த்துதல் கூடாது. (தற்காலிக அடையாளப்படுத்துவதற்காக சிறு அடையாளங்களை வைப்பது குற்றமாகாது)

• இறந்தவர்களை ஸியாரத் செய்வது மார்க்கமாகும். ஸியாரத் செய்பவர் கிப்லாவை முன்னோக்கி இருத்தல் வேண்டும்.(கிப்லாவை முன்னோக்கி இருத்தல் என்பதற்கு ஆத்ரபூர்வமான ஹதீத்கள் இல்லை) 

• கப்ருகளை பள்ளிகளாக எடுத்துக் கொள்ளல்; கப்ருகளை அலங்கரித்தல்; அதில் விளகேற்றல், அதன் மேல் உட்காருதல், இறந்தவர்களை ஏசுதல் போன்றவைகள் கூடாது. 

• ஜனாசாவுடைய சொந்தங்களுக்கு ஆறுதல் சொல்லுதல் சுன்னாவாகும். 

• ஜனாசாவுடைய வீட்டுக்கு சாப்பாடு கொடுத்தல் சுன்னா.

10 Jun 2021

துரருள் பஹிய்யா (அழகான முத்துக்கள்) தொடர் 05

துரருள் பஹிய்யா (அழகான முத்துக்கள்)








ஆசிரியர் : இமாம் ஷவ்கானி 
மரணம் : ஹிஜ்ரி 1250 
விரிவுரை : அஷ்ஷேய்க் முஜாஹித் இப்னு ரஸீன்
தொகுப்பு : எம்.கெ. யாஸிர் 
தொடர் : 05


தப்பிப்போன தொழுகைகளை தொழுதல்

******************************************************** 

• ஒருவர் தொழுகையை வேண்டுமென்று விட்டிருந்தால் அல்லாஹ்வுடைய கடன்தான் நிறைவேற்றப்படுவதற்கு மிகவும் தகுதியானது. (வேண்டுமென்று விட்டவருக்கு தவ்பாவைத் தவிர கலா கிடையாது)

• நியாயமான காரணத்தோடு ஒருவருக்கு தொழுகை விடுபட்டால் அது கலாவே அல்ல. குறித்த காரணம் நீங்கிய பிறகு அவர் அந்த தொழுகையை நிறைவேற்றுகிறார். ஆனால் பெருநாள் தொழுகையை தவிர.


ஜும்ஆ தொழுகை

*************************

• பருவமைந்த எல்லோருக்கும் ஜும்ஆ கடமை நான்கு பேர்களைத் தவிர.

1. பெண்

2. அடிமை

3. பிரயாணி

4. நோயாளி

• ஜும்ஆவுடைய தொழுகைக்கும் மற்ற தொழுகைக்கும் எந்த வித்தியாசமும் இல்லை தொழுகைக்கு முன்னால் இரண்டு குத்பாக்களைத் தவிர. 

• ஜும்ஆவுடைய நேரம் லுஹருடைய நேரமாகும். 

• ஜும்ஆவுக்கு கலந்து கொள்ளக் கூடியவர் ஏனையவர்களின்  தோள்புஜங்களில் ஏறி ஏறி கடந்து செல்லக் கூடாது.

• இரண்டு குத்பாக்களையும் செவிமடுத்துக் கேட்க வேண்டும் 

• நேரத்தோடு சமூகமளிப்பது சுன்னா, வாசம் பூசிக்கொள்வது சுன்னா, அழகுபடுத்திக் கொள்வது சுன்னா, இமாமிற்கு நெருக்கமாக் இருப்பதும் சுன்னாவாகும். 

• குறைந்தபட்சம் ஒரே ஒரு ரக்காத்தில் முழுமையான ஒரு ருகுஃ கிடைத்தாலும் ஜும் ஆ கிடைத்த்தற்கு சமனாகும். 

• பெருநாள் தினமாக இருந்தால் ஜும்ஆ தொழுகை விரும்பத்தக்கதாகும். 


இரண்டு பெருநாள் தொழுகைகள் 

*********************************************

• பெருநாள் தொழுகை இரண்டு ரக்காத்துக்களாகும். முதலாவது ரக்காத்தில் கிராத்துக்கு முன்னர் (ஆரம்ப தக்பீர் தவிர்ந்த) ஏழு தக்பீர்களாகும். இரண்டாவது தக்பீரில் கிராத்துக்கு முன்னர் (ஆரம்ப தக்பீர் தவிர்ந்த) ஐந்து தக்பீர்களாகும். பின்னர் குத்பா செய்தல் வேண்டும். 

• அழகான ஆடைகளை அணிதல், ஊரை விட்டு வெளியே போதல் (திடலுக்கு), போகின்ற பாதையல்லாத வேறு பாதைகளில் திரும்பி வருதல், ஹஜ்ஜிப் பெருநாள் அல்லாமல் நோன்புப் பெருநாளில் சாப்பிட்டுச் செல்லல் போன்றவைகள் சுன்னாவாகும். (ஹஜ்ஜிப் பெருநாளில் சாப்பிடாமல் செல்லுதல் என்பது பலவீனமான ஹதீதாகும்)

• பெருநாள் தொழுகைக்கு அதானும் இல்லை இகாமத்தும் இல்லை. 

• நேரம் சூரியன் ஈட்டியளவிற்கு உயர்ந்து விடுவதுதான் இதனுடையா ஆரம்ப நேரமாகும். சூரியன் உச்சியிலிருந்து சாயும் வரைக்கும்தான் இதனுடைய கடைசி நேரமாகும்.


அச்ச நிலை தொழுகை

*******************************

• நபி (ஸல்) அவர்கள் இத்தொழுகையை ஒவ்வொருவிதமாக தொழுது இருக்கிறார்கள். இதில் எந்த முறைப்படி தொழுதாலும் தொழுகை ஏற்றுக்கொள்ளப்படும். 

• யுத்தத்துடைய பயங்கரம் மிகவும் பலமாக இருந்தால், கடுமையான மோதல் நிலமை உறுவாகிவிட்டால் வாகனத்திலுல் தொழலாம்; நின்று கொண்டும் தொழலாம், நடந்து கொண்டும் தொழலாம். கிப்லாவை முன்னோக்காமலும் தொழலாம்; சைக்கினை மூலமும் தொழலாம்.  


பிரயாணத் தொழுகை

******************************

• ஒரு பிரயாணத்திற்காக ஊரிலிருந்து வெளியாகியவர் கஸ்ர் செய்வது வாஜிபாகும். ஒரு பரீஃத் தூரமாக இருந்தாலும் கஸ்ர் செய்ய வேண்டும். கஸ்ர் தூரத்தை வரையறுக்க முடியாது. (ஒரு பரீஃத் என்பது நான்கு பர்ஸஹ்க் ஒரு பர்ஸஹ்க் மூன்று மீள் எனவே ஒரு பரீஃத் என்பது பன்னிரெண்டு மீளாகும். அரபியில் ஒரு மீளின் தூரம் என்பது ஒரு மனிதன் வெட்டவெளியில் பார்க்கும் போது ஒரு உருவம் மறைகின்ற வரைக்குமான தூரமாகும். கிட்டத்தட்ட ஒரு மைல்லிற்கு சமனாக இருக்க வாய்ப்பு இருக்கிறது) 

• பிரயாணத் தூரத்தை அடைந்து திரும்பி வருகின்ற நேரத்தில் சொந்த ஊருக்கு அண்மித்த ஊரில் வைத்தும் கஸ்ர் செய்யலாம். ஊர் எல்லைக்குள் நுழையும் வரைக்கும். 

• ஒரு ஊரிற்கு பயணப்பட்டு அந்த ஊரில் நிலையாக தங்குவதற்கு உத்தேசமின்றி பயண வேலையாக காலம் கடக்குமானால் இருபது நாள் வரைக்கும் அவருக்கு கஸ்ர் செய்யலாம். ஒரு ஊரிற்கு நான்கு நாட்கள் தங்குவதாக உத்தேசித்துவிட்டு பயணப்பட்டால் அந்த ஊரில் ஐந்தாவது நாளிலிருந்து கஸ்ர் செய்யலாம். 

• முற்படுத்தியோ பிற்படுத்தியோ ஒரு அதான் இரண்டு இகாமத் சொல்லி ஜம்மும் செய்து கொள்ளலாம்.  


சூரிய சந்திர கிரகண தொழுகை

********************************************

• இந்தத் தொழுகை சுன்னாவாகும். (கடமை என்ற கருத்துடான் சரியானதாகும்)

• ரக்காத்துக்களின் எண்ணிக்கை இரண்டாகும். ஒவ்வொரு ரக்காத்திலும் இரண்டு ருக்கூஃக்கள் செய்ய வேண்டும். நபி (ஸல்) அவர்கள் ஒரு ரக்காத்தில் மூன்று, நான்கு, ஐந்து ருக்கூஃக்கள் செய்தார்கள் போன்ற அறிவிப்புக்களும் இருக்கின்றன. (ஆனால் இரண்டு ருக்கூஃக்கள் அல்லாத அனைத்து அறிவிப்புக்களும் பலவீனமானதாகும்)

• ஒவ்வொரு ரக்காத்திலும் முதலாவது ருக்கூஃவிற்குப் பிறகு இரண்டாவது ருக்கூஃவிற்காக நிலைக்கு வந்து ஓதுதல் வேண்டும். ஒவ்வொரு ரக்காத்திலும் ஒரு ருக்கூஃ செய்தார்கள் என்றும் அறிவிப்பும் இருக்கின்றது. (ஆனால் ஒரு ருக்கூஃ சம்பந்தமான அறிவிப்பும் பலவீனமானதாகும்)

• துஆ கேட்டல், தக்பீர் சொல்லுதல், தர்மம் செய்தல், பாவமன்னிப்பு தேடுதல் போன்றவற்றில் தொழக் கிடைக்காதவர் ஈடுபடுதல் சிறந்த்தாகும். 


மழை வேண்டித் தொழுதல்

*************************************

• பஞ்சம் மற்றும் வரட்சியான காலப்பகுதியில் இந்த தொழுகையை தொழுவது சுன்னா.

• இரண்டு ரக்காத்துக்கள் தொழ வேண்டும். தொழுகைக்கு பின் திக்ருகளை அதிகப்படுத்தி, இறைவனை வழிபடுதலை ஆர்வமூட்டி, பாவங்களை தவிர்க்குமாறு எச்சரித்து ஒரு குத்பா நிகழ்த்தப்பட வேண்டும். 

• இமாமும், தொழுகையில் கலந்து கொள்பவர்களும் நிறைய பாவமன்னிப்புத் தேட வேண்டும். 

• பஞ்சம், வரட்சி நீங்குவதற்கு எல்லோருமாக சேர்ந்து துஆ கேட்க வேண்டும். (கூட்டாக அல்லாமல் தனித்தனியாக கையேந்தி மௌனமாக கேட்க வேண்டும்) 

• ஆண்கள் எல்லோரும் தங்களுடைய ஆடைகளின் உள்பக்கத்தை வெளிப்பக்கமாக மாற்றி அணிந்து கொள்ள வேண்டும். (இது இமாமுக்கு மட்டுமே பொருத்தமானது அவர் மேலாடை போட்டிருந்தால் மாத்திரம்)

2 Jun 2021

துரருள் பஹிய்யா (அழகான முத்துக்கள்) தொடர் : 03

துரருள் பஹிய்யா (அழகான முத்துக்கள்)
ஆசிரியர் : இமாம் ஷவ்கானி
மரணம் : ஹிஜ்ரி 1250
விரிவுரை : அஷ்ஷேய்க் முஜா
ஹித் இப்னு ரஸீன்
தொகுப்பு : எம்.கெ. யாஸிர்
தொடர் : 03

மாதவிடாய்
*****************
• மாதவிடாயுடைய காலப்பகுதியை பொருத்தவரையில் அதனுடைய குறைந்த நாள் அளவென்ன கூடிய நாள் அளவென்ன என்பதில் சொல்லத்தக்க அளவில் எந்தவித ஆதாரமும் இல்லை. அதே போன்றுதான் சுத்தம் என்பதும் வரையரை கிடையாது.
• நிலையான வழமைக் கொண்ட பெண் அதற்கு ஏற்றாற் போல் செயற்பட வேண்டும்.
• வழமையை தீர்மானிக்க முடியாத பெண்கள் அவங்களுக்குறிய துணை அடையாளங்களை வைத்து செயற்பட வேண்டும். பெண்களுக்குத் தெரியும் மாதவிடாய் இரத்தம் ஏனைய இரத்தத்தை விட வித்தியாசப்படும்.
• ஒரு பெண் மாதவிடாய் பெண்ணாக எப்பொழுது மாறுவாள் என்றால், மாதவிடாய் இரத்தம் அவர்கள் அறிந்த அமைப்பில் எப்போது வருகின்றதோ அப்போதிலிருந்து மதாவிடாய் பெண்ணுக்குறிய மார்க்க சட்டத்திற்குள் நுழைகின்றாள்.
• மேலதிக உதிரப்போக்குள்ள பெண்ணை பொறுத்த வரை அவளுக்கு தெரியும் இந்த இரத்தம் மாதவிடாய் இரத்தத்தை விட வித்தியாசமானது என்று. எனவே மேலதிக உதிரப்போக்குள்ள பெண்ணுக்குறிய சட்டத்திகுள் அவள் நுழைகின்றாள்.
• மேலதிக உதிரப்போக்குள்ள பெண்ணின் சட்டம்; இரத்ததையும் அதன் அடையாளத்தையும் கழுவிக் கொள்ளல் வேண்டும். ஒவ்வொரு தொழுகைக்கும் வுழூ செய்து கொள்ள வேண்டும்.
மாதவிடாய் பெண்கள் செய்யக் கூடாதவை
**********************************************************
• தொழக் கூடாது
• நோன்பு வைக்கக் கூடாது
• சுத்தத்துக்குப் பின்னால் குளிக்கும் வரைக்கும் குடும்ப உறவில் ஈடுபடக் கூடாது (கருத்து முரண்பாடு உள்ள விடயமாகும் மாதவிடாய் இரத்தம் நின்று விட்டாலே குடும்ப உறவில் ஈடுபட முடியும் என்பதே சரியானது)
• மாதாவிடாய் மூலமாக விடுபட்ட நோன்புகளை கலா செய்ய வேண்டும். தொழுகையை கலா செய்ய வேண்டியதில்லை.
பிரசவத் தீட்டு
********************
• இதனுடைய அதிக நாள் 40 நாட்களாகும்
• இதனுடைய ஆகக் குறைந்த அளவு என்பதற்கான எந்த வித ஆதரமும் இல்லை.
• மாதாவிடையுடைய சட்டம்தான் இதற்கும் உரியது
தொழுகை
---------------
தொழுகையுடைய நேரங்கள்
>>>>>>>>>>>>>>>>>>>>>>>
லுஹருடைய ஆரம்பம்
********************************
• சூரியன் உச்சியிலிருந்து சாய ஆரம்பிக்கும் நேரம்
• சூரியன் உச்சியிலிருந்து சாய ஆரம்பித்தல் என்பது நாம் சூரிய ஒளி படுகின்ற இடத்தில் இருக்கும் போது எமது நிழல் எம்மைச் சுற்றி சுருங்கி இருக்காமல் ஏதவது ஒரு பக்கத்தில் சாய்ந்து இருத்தலாகும்.
லுஹருடைய கடைசி / அஸருடைய ஆரம்பம்
*************************************************************
• ஒவ்வொரு பொருளுடைய நிழலும் குறித்த பொருடைய அளவிற்கு சமனாக வரும் நேரமாகும். ஆனால் சூரியனின் ஓட்டத்தின் காரணமாக ஏற்படும் சாய்வை கணக்கெடுக்கக் கூடாது.
அஸருடைய கடைசி நேரம்
************************************
• சூரியன் எதுவரைக்கும் இலங்கிக் கொண்டிருக்கக் கூடிய வெண்மையோடு இருக்கிறதோ அது வரைக்கும் அஸருடைய நேரம். அதனுடைய வெண்மைத் தன்மை சிவப்பாகவோ அல்லது இளம் சிவப்பாகவோ மாற ஆரம்பித்தால் அது அஸருடைய கடைசி நேரமாகும்.
மஹ்ரிபுடைய ஆரம்ப நேரம்
**************************************
• சூரியன் மறையும் நேரம்
மஹ்ரிபுடைய கடைசி நேரம் / இஷாவுடைய ஆரம்ப நேரம்
****************************************************************
• சிவந்த அடி வானம் அற்றுப் போய், வானம் முழுமையாக இருளாக இருக்கும் நேரமாகும்.
இஷாவுடைய கடைசி நேரம்
*************************************
• இரவுடைய நடுநிசியாகும். மஹ்ரிபுடைய நேரத்திலிருந்து பஜ்ர் ஆரம்ப நேரம் வரைக்குமான அரைப் பங்கு வரை இஷாவுடைய கடைசி நேரமாகும்
பஜ்ருடைய ஆரம்ப நேரம்
************************************
• நம்முடைய பகுதிக்கு முதன் முதலாக சூரியனின் வெளிச்சம் படுகின்ற நேரமாகும்.
பஜ்ருடைய கடைசி நேரம்
***********************************
• சூரியனுடை ஒரு கீற்று படுகின்ற நேரம். அதாவது சூரியன் உதிக்கும் நேரமாகும்.
 யார் தனது தொழுகையை விட்டும் தூங்கினாறோ அல்லது மறந்து விட்டாரோ அவருடைய வக்து நேரம் என்பது அவருக்கு ஞாபகம் வருகின்ற நேரமாகும்.
 யாருக்கு நியாயமான காரணத்தினால் தொழுகைக்கு சற்று நேரம் கடந்து விட்டால் அவருக்கு அந்தத் தொழுகையில் ஒரு ரக்ஆத் கிடைத்தாலும் முழு தொழுகையும் கிடைத்ததற்கு சமனாகும்.
 உரிய நேரத்திற்கு தொழுவது வாஜிபாகும். நேரத்திற்கு உட்பட்ட நேரத்தில் தொழுவதும் வாஜிபாகும்.
 நியாயமான காரணங்களுக்காக ஜம்ஊ (சேர்த்துத் தொழுதல்) செய்தல் அனுமதிக்கப்பட்டுள்ளது. (ஊரில் இருந்தாலும் சரி வெளியூரில் இருந்தாலும் சரி)
 தயம்மம் செய்தவரும், தொழுகையை முழுமையாக தொழ முடியாதவரும் அல்லது சுத்தத்தை முழுமையாக செய்ய முடியாதவரும் வக்து முடிகின்ற கடைசி நேரம் வரை காத்திருக்க வேண்டிய அவசியம் இல்லை. அவர்களும் உரிய நேரத்தில் தொழுவது வாஜிபாகும்.
தொழுவதற்கு வெறுக்கப்பட்ட நேரங்கள்
*******************************************************
 மக்காவைத் தவிர அனைத்து பிரதேசங்களுக்கும் வெறுக்கத்தக்க நேரங்களுக்குறிய சட்டம் பொருந்தும். (மக்காவைத் தவிர என்பது ஹதீஸ்களின் புரிதளுக்கு அப்பாற் பட்டதாகும். எல்லாப் பிரதேசங்களுக்கும் பொதுவான சட்டம் என்பதே சரியான கருத்தாகும்)
1. சூரியன் உதிக்கின்ற நேரம்
2. சூரியன் உச்சியில் இருந்து சாயும் வரைக்குமுள்ள நேரம்
3. அஸருக்குப் பிறகு சூரியன் சிவப்பாகவோ அல்லது இளம் சிகப்பாகவோ மாறி சூரியன் மறையும் வரைக்குமுள்ள நேரம்.

 

1 Jun 2021

துரருள் பஹிய்யா (அழகான முத்துக்கள்) தொடர் : 02

 

துரருள் பஹிய்யா (அழகான முத்துக்கள்)
ஆசிரியர் : இமாம் ஷவ்கானி
மரணம் : ஹிஜ்ரி 1250
விரிவுரை : அஷ்ஷேய்க் முஜாஹித் இப்னு ரஸீன்
தொகுப்பு : எம்.கெ. யாஸிர்
தொடர் : 02

 

வுழூ

1. வுழூ பருவமடைந்த ஒவ்வொருவருக்கும் கடமை தொழுவதாக இருந்தால்..
2. வுழூ செய்வதற்கு முன்னால் பிஸ்மில்லாஹ் சொல்வது சுன்னா
 

வுழூவின் ஒழுங்குகள்


1. வாய் கொப்பளித்தல்
2. நாசிக்கு நீர் செலுத்துதல் அதை சிந்துதல்
3. முழு முகத்தையும் கழுவுதல்
4. இரண்டு கைகளையும் முழங்கை வரை கழுவ வேண்டும்
5. தலையை மஸ்கு செய்ய வேண்டும் அதே தண்ணீரால் இரண்டு காதுகளையும் கழுவ வேண்டும்.
தலைப்பாகையோ, தொப்பியோ, முக்காடோ போட்டிருந்தால் தலையில் சிறிதளவு மஸ்கு செய்து அதன் மேல் முழுமையாக செய்ய வேண்டும்.
6. கரண்டைக் கால் அளவு இரண்டு கால்களையும் கழுவ வேண்டும். சப்பாத்து அணிந்து இருந்தால் சப்பாத்தின் மேல் மஸ்கு செய்யலாம்.
7. வுழூவுக்குறிய நிய்யத் இருந்தாலே தவிர அது மார்க்கம் சொல்லக்கூடிய வுழூவாக மாறும்.
8. தலை அல்லாத மற்ற பகுதிகளை மூன்று முறை செய்வது சிறந்தது. தலையை ஒரு முறைதான் மஸ்கு செய்ய வேண்டும்.
9. வுழூ எடுக்கும் போது பல் துலக்குவதை முற்படுத்துதல் சிறந்தது.
10. வுழூ எடுப்பதற்கு முன்னர் மணிக்கட்டு வரை இரண்டு கைகளையும் மூன்று முறை கழுவிக் கொள்ளுதல் சுன்னா
 

வுழூவை முறிக்கும் காரியங்கள்


1. மனிதனுடைய மலசலப் பாதையுனூடாக எந்தவொன்று வெளியாகினாலும்
2. எதன் காரணமாக குளிப்பு கடமையாகுமோ அதன் காரணமாகவும் வுழூ முறியும்
3. ஒட்டக இறைச்சி சாப்பிடுதல்
4. ஆழ்ந்து தூங்குதல்
5. வாந்தி எடுத்தல் இது போன்றவைகள் (இதற்கு ஆதாரம் இல்லை)
6. இச்சையோடு அந்தரங்க உறுப்புக்களை தொடுதல் 
 

குளிப்பு

குளிப்பு கடமையாகும் காரியங்கள்


1. மனிதனுக்கு ஆசையின் காரணமாக மனி வெளிப்படுதல். இது சிந்திப்பதன் மூலம் இந்திரியம் வெளிப்படுவதையும் குறிக்கும்.
2. ஆண் பெண் உறுப்பு சந்திதுக் கொள்ளுதல்
3. மாதாவிடாய் இரத்தம் நின்றவுடன்
4. பிரசவத்தின் காரணமாக வெளிப்படும் இரத்தம் நின்றவுடன்
5. தூக்கத்தில் ஸ்கலிதம் ஆகிவிட்டதாக தனது ஆடையில் ஈரத்தை காணுதல்
6. மரணமாதல் (அவர் சார்பாக பிறருக்கு கடமை)
7. இஸ்லாத்திற்கு நுழைதல் (கருத்து முரண்பாடு உண்டு) 
 

கடமையான குளிப்பின் குறைந்த பட்ச நிபந்தனைகள்

 
1. முழு உடலிலும் தண்ணீர் படும் வகையில் தண்ணீரை ஊற்றல்
2. முழு உடலும் நனைகின்ற வகையில் தண்ணீரில் மூழ்குதல்
3. கடமையான குளிப்பிற்குறிய நிய்யத் இருந்தால் மாத்திரம்தான் அது மார்க்கம் சொல்லக்கூடிய குளிப்பாக மாறும்.
4. வுழூவுடைய உறுப்புக்களை முற்படுத்துவதும் வலதால் செய்வதும் விரும்பத்தக்கது.
5. பெண்கள் கட்டுமுடியை அவிழ்க்க வேண்டிய அவசியமில்லை
• ஜும்ஆ குளிப்பு சுன்னத்தாகும், இரு பெருநாள் குளிப்பும் சுன்னத்தாகும் (ஜும்ஆ குளிப்பு ஆதார அடிப்படையில் இரு பாலாருக்கும் வாஜிப், இரு பெருநாள் குளிப்புகள் சுன்னா என்பதை பொருத்த வரை அனைத்து ஆதாரங்களும் பலவீனமானவைகள்)
• ஜனாசாவை குளிப்பாட்டுகின்றவர் குளிப்பது சிறந்தது
• இஹ்ராமிற்காக குளிப்பது சிறந்தது
• மக்காவில் நுழைவதற்காக குளிப்பது சிறந்தது 
 

தயம்மம்

 
 தயம்மம் செய்தால் வுழூ, குளிப்பு மூலமாக எதுவெல்லாம் கூடுமோ அதுவெல்லாம் கூடும்.
தயம்மத்தின் நிபந்தனைகள்
***************************************
• தண்ணீர் கிடைக்காமல் இருத்தல்
• நியாயமான காரணங்களுக்காக தண்ணீரை உபயோகிக்க முடியாமல் இருத்தல்
 

தயம்மத்தின் ஒழுங்குகள் 

 
• தயம்மத்தின் உறுப்புக்கள் முகம் மற்றும் மணிக்கட்டு வரை இரண்டு கைகளுமாகும்.
• ஒரு தடவைதான் மஸ்கு செய்ய வேண்டும்.
• நிய்யத்துடன் பிஸ்மில்லாஹ் சொல்லி ஆரம்பிக்க வேண்டும். (பிஸ்மில்லாஹ் சொல்வது வாஜிப் அல்ல)
• கைகளால் ஒரு முறைதான் மண்ணை தடவ வேண்டும்.
• கை, முகம் என்பதில் எதை முதலில் செய்தாலும் மார்க்க ரீதியாக பிழை கிடையாது.
வுழூவை முறிக்கும் காரியங்கள் அனைத்தும் தயம்மத்தையும் முறிக்கும்.

30 May 2021

துரருள் பஹிய்யா (அழகான முத்துக்கள்) தொடர் : 01



 

துரருள் பஹிய்யா (அழகான முத்துக்கள்)

ஆசிரியர் : இமாம் ஷவ்கானி

மரணம் : ஹிஜ்ரி 1250

விரிவுரை : அஷ்ஷேய்க் முஜாஹித் இப்னு ரஸீன்

தொகுப்பு : எம்.கெ. யாஸிர்

தொடர் : 01

 

சுத்தம்

தண்ணீரின் வகைகள்

1. சுத்தமானது
2. சுத்தப்படுத்தக் கூடியது
தண்ணீர் எப்போது அசுத்தமாக மாறும்?
• இஸ்லாம் அசுத்தம் என்று சொல்லக்கூடிய ஒரு பொருள் கலந்து தண்ணீருடைய நிறத்தையோ, சுவையையோ, வாசத்தையோ மாற்றினால்..
• தண்ணீர் சுத்தப்படுத்தக் கூடியது என்பதிலிருந்து சுத்தமானதிற்கு மாறக் கூடியது.
உ+ம் : சுத்தமான மற்றும் சுத்தப்படுத்தக் கூடிய தண்ணீரில் சவர்காரமோ அது சார்ந்த ஏதாவது ஒரு பொருளோ கலந்து விட்டால் சுத்தப்படுத்தக் கூடியது என்பதிலிருந்து சுத்தமானதிற்கு மாத்திரம் மாறிவிடும். எனவே இந்த தண்ணீரில் வுழூ செய்ய முடியாது..
• இந்த சட்டத்திற்கு தண்ணீரின் அளவிலோ, ஓடக் கூடிய மற்றும் தேங்கி நிற்றல் அடிப்படையிலோ அல்லது பயன்படுத்தப்பட்ட மற்றும் பயன்படுத்தப்படாத நிலையிலோ எவ்வித மாற்றத்தையும் ஏற்படுத்தாது.
 

நஜீஸ்

1. மனிதனுடைய மலம் சலம்
பால் குடிக்கக் கூடிய மற்றும் சாப்பிட முடியாத கைக் குழந்தைகளின் சிறுநீர் அசுத்தம் கிடையாது.
2. நாயுடைய எச்சில்
3. கழுதை, குதிரை, கோவேரிக் கழுதையின் விட்டை
4. மாதாவிடாய் இரத்தம்
5. பன்றி
இதுவல்லாத எல்லாவற்றிலும் கறுத்து முரண்பாடுகள் இருக்கின்றன.
• எல்லாவிடயங்கலிலும் அசல் சுத்தமானது. அசுத்தம் என்பதற்குதான் ஆதரபூர்வமான ஆதாரம் இருக்க வேண்டும். (ஹலால், ஹராம் விடயத்திலும் இதேதான்)
 

அசுத்தம் பட்டு விட்டால் எப்படி சுத்தப்படுத்துவது?

1 தண்ணீரால் கழுவுவதன் மூலம்
• பட்ட அசுத்தம் முழுமையாக நீங்கி விட வேண்டும்
• அசுத்தத்தின் காரணமாக இருந்த நிறம், சுவை, வாசம் நீங்க வேண்டும்.
2 செறுப்பில் பட்ட அசுத்தத்தை மண்ணில் தேய்ப்பதன் மூலம் சுத்தப்படுத்த முடியும்.
3 ஒன்றிலிந்து இன்னொன்றுக்கு மாறுதல்
• அசுத்தம் பட்ட பொருள் ஒன்று அதுவாகவே அதனுடைய நிறம், சுவை, வாசம் உட்பட அசுத்ததின் அடையாளம் முழுமையாக நீங்குதல்.
உ+ம் செத்த ஆடு சிறிது காலத்திற்கு பிறகு உப்பாக மாறுதல்
4 தண்ணீரை ஊற்றி அசுத்தம் அகளும் வரை கழுவுதல், தண்ணீரை இறைத்து சுத்தப்படுத்தல். அசுத்தத்தின் நிறம், சுவை, வாசம் அற்றுப் போகும் வரை..
5 சுத்தப்படுத்துவதில் அசல் தண்ணீர்தான். தண்ணீருடைய நிலைக்கு வேறொன்றும் சமனாகாது. சுத்தப்படுதுவதற்கு தண்ணீர் அல்லாத வேறொன்றுக்கு தெளிவான் ஆதாரம் இல்லாத வரையில்.
6 நாய் பாத்திரத்தினுல் வாய்விட்டுக் குடித்தால் ஏழு முறை அல்லது எட்டு முறை தண்ணீர் ஊற்றிக் கழுவ வேண்டும். அதில் ஒரு முறை மண் போட்டு கழுவ வேண்டும். 
 

இயற்கைத் தேவையை பூர்த்தி செய்தல்

1. பூமியை நெருங்கும் வரை தன்னை மறைத்துக் கொள்ளல்.
2. மக்களை விட்டு தூரமாகுதல் அல்லது மறைக்கப்பட்ட இடத்தில் நிறைவேற்றல்.
3. பேச்சை விட்டு விடுதல்.
4. சங்கையான விடயங்களை தவிர்ந்து கொள்ளல்.
5. மார்க்கமோ சமூக வழமையோ ஒன்றை தடுத்து இருந்தால் அவ்விடத்தில் நிறைவேற்றக் கூடாது. மக்கள் இருக்கின்ற இடங்கள், மர நிழல், வீதிகள் போன்றவற்றில் இயற்கைத் தேவையை நிறைவேற்றக் கூடாது என்று மார்க்கம் சொல்கின்றது.
6. நிறைவேற்றும் போது கிப்லாவை முன்னோக்குதல் பின்னோக்குதல் கூடாது.
7. தண்ணீரால் சுத்தப்படுத்துதல் அல்லது கற்களைக் கொண்டு மூன்று முறை சுத்தப்படுத்துதல். கற்களுடைய நிலையில் எதுவெல்லாம் உள்ளனவோ அவற்றைக் கொண்டும் சுத்தப்படுத்தலாம்.
8. போகும் பொழுதும் வரும் பொழுதும் துஆவை ஓதிக் கொள்வது சுன்னா

13 Feb 2021

ரஹ்மத்துல் ஆலமீன்

 

பிறர் நலம் பேணுவதில் நபியவர்களை மிஞ்சிய ஓர் மனிதப்புனிதரை இவ்வுலகில் சல்லாடை போட்டுத் தேடினாலும் யாருமே தேரமாட்டார்கள். மிதமிஞ்சிய குறுட்டுப் புகழ்சியால் உதிறும் வார்த்தைகளல்ல இவை. கீழ் வரும் ஹதீஸ் இதனை மெய்ச்சிலிர்க்க வைத்து நபியவர்களின் அப்பளுக்கற்ற வாழ்க்கையை பறைசாற்றுகிறது.
....மேலும், ஆயிஷா(ரலி) கூறினார். பிறகு இதயம் படபடத்தவர்களாக அந்த வசனங்களுடன் (தம் துணைவியார்) குவைலிதின் மகள் கதீஜா(ரலி) விடம் நடந்த செய்தியைத் தெரிவித்துவிட்டுத் தமக்கு ஏதும் நேர்ந்து விடுமோ என தாம் உறுதியாக அஞ்சுவதாகவும் கூறினார்கள். அப்போது கதீஜா(ரலி) அவர்கள் 'அவ்வாறு கூறாதீர்கள்; அல்லாஹ்வின் மீது ஆணையாக உங்களை ஒருபோதும் அல்லாஹ் இழிவுபடுத்தமாட்டான்; (ஏனெனில்) தாங்கள் உறவினர்களுடன் இணங்கி இருக்கிறீர்கள்; (சிரமப்படுவோரின்) சுமைகளைத் தாங்கள் சுமந்து கொள்கிறீர்கள்; வறியவர்களுக்காக உழைக்கிறீர்கள்; விருந்தினர்களை உபசரிக்கிறீர்கள்; உண்மையான சோதனைகளில் (ஆட்பட்டோருக்கு) உதவி புரிகிறீர்கள்' என்றார்கள். பின்னர் நபி(ஸல்) அவர்களைத் தம் தந்தையின் உடன் பிறந்தவரான நவ்ஃபல் என்பவரின் மகன் 'வராக'விடம் அழைத்துச் சென்றார்கள்.
(ஸஹீஹுல் புகாரி: 3. ஹதீஸின் சுருக்கம்)
பலரும் தான் உழைத்ததில் ஒரு சில பகுதியைத்தான் வறியவருக்காக செலவு செய்வார்கள். ஆனால் வரியவர்களின் தேவைகளை பூர்த்தி செய்வதற்காக வேண்டியே வியர்வைச் சிந்தி உழைக்கும் மக்களை காண்பது அறிதிலும் அறிது. ஆனால் நபியவர்கள் பிறரின் கண்ணீரை துடைப்பதற்காக வேண்டியே தன்னுடைய இரத்தத்தை வியர்வையாக சிந்தியிருக்கிறார்கள் என்றால் இதன் பெருமானத்தை பொன்னெழுதுக்களால் வடித்தாலும் ஈடாகாது.
வரலாற்றில் மிகவும் செல்வாக்குப் பெற்ற நபர்களை ஆய்வுக்குட்படுத்தி தரப்படுத்தும் 'The 100' என்ற புத்தகத்தில் நபியவர்களை ஆய்வுக்குட்படுத்தியதில் அவரை முதல் நிலைப்படுத்தாமல் இருப்பதற்கு ஒருகாளும் ஓர் நல்ல மனச்சாட்சி இடம்தரமாட்டாது என்ற ஒரே காரணத்தினால்தான் புத்தக ஆசிரியர் ஒரு கிருஸ்தவராக இருந்தும், முதலாவதாக நபிகள் நாயகத்தை பட்டியல் இடுகிறார்.
நபி (ஸல்) அவர்களை நமது தலைவர் என்று நெஞ்சு நிமிர்த்து பெருமையாக சொல்வதாக இருந்தால் அவர் வாழ்ந்து காட்டிய வாழ்வியல் முறைமையை வாழ்வில் பின்பற்றாமல் இருப்பது தகுமா?

13 Apr 2017

ரஹீக் அல் மக்தூம்

 


ஓர் எழுத்தாளனின் மிகப் பொறுப்பு வாய்ந்த கடமைகளில் ஒன்றுதான், வாசகர்கள் அழுப்பு தட்டும் வண்ணம் தனது படைப்பு மிக நீளமானதாக இருக்கக் கூடாது; அதே நேரம் வாசகர்களுக்கு புரிந்து கொள்ள முடியாதவாறு மிகச் சுருக்கமானதாகவும் இருக்கக் கூடாது. "பாட்டி வடை சுட்டாள்" என்பதை பாட்டியையும் சட்டியையும் வர்ணித்தே எழுத்தை நீட்டக்கூடாது. தவிர, மிக முக்கிய கதாபாத்திரமாக இருந்தால் அதன் முக்கியத்துவத்திற்கு ஏற்ப அதன் வர்ணனையும், விளக்கமும் ஓரளவு விரிவுபடுத்தல் வேண்டும். ஆக மொத்தம் இரண்டிற்கும் மத்தியில் மத்திய தரம் பேணப்படல் அவசியம்.
அடுத்து மிக கவனிக்கவேண்டியது, வகைப்படுத்தல், வரிசை முறை, ஒழுங்குபடுத்தல். இதனை நன்கு சீர் செய்ய வேண்டும். ஐந்து வயது சிறுவனாக ஆறம்பித்து திடீரென்று அறுபது வயதிற்கு தாவி பிறகு "இருபது வயதில் காதல் வயப்பட்டான்" என்று வரிசைக் குழறுபடிகள் இருத்தல் கூடாது.
அடுத்து, தமது படைப்பு ஓர் ஆய்வு நிலை படைப்பாக இருந்தால், ஒவ்வொரு படினிலை விடயதானங்களுக்கும் ஆதரங்களையும், மேற்கோள்களையும் சமர்பிக்க வேண்டும். தனது வாசிப்பு அறிவிலும், தனது அனுபவத்திலும், சிந்தனையிலும் உதிர்ந்த கருத்துக்களை மேலெழுந்தவாரியாக அப்படியே எழுதிவிடுவது, ஆய்வு நிலை படைப்பிற்கு சற்றுமே உகந்ததல்ல.
இவ்வாறு ஓர் எழுத்தாளனின் பண்புகள், கடமைகள், பொறுப்புக்கள் என்பன நீட்சி பெறுகின்றன.
மேற்சொன்ன சில அடிப்படைகளை செவ்வனே பூர்த்தி செய்த ஓர் உன்னத படைப்பாக நாவீன காலத்தில் தொகுக்கப்பட்ட அகிலத்தின் அருட்கொடையான நபி (ஸல்) அவர்களின் வாழ்க்கை வரலாற்றை சுமந்து வரும் "ரஹீக் அல் மக்தூம்" ஓர் ஈடு இணை அற்றது எனலாம்.
ஆம்! எத்தனை தடவை வாசித்தாலும் அதன் சுவை மாறுவதே இல்லை. உள்ளே நுழைந்தால் வெளியேறுவதற்கு மனம் இடம் கொடுப்பதில்லை. கலங்கரை விளக்கான நபி (ஸல்) அவர்களின் ஒவ்வொரு படி நிலை வாழ்க்கை குறிப்புக்களையும் நேர்முக வர்ணணை செய்வது போல் மிக அற்புதமாக வரிசை கிரயமாக, ஆதாரப் பனுவல்களுடன் தொகுக்கப்பட்டிருக்கும் மிகச் சிறந்த அறிவுப் பொக்கிஷம் அது.
இந்தியாவின் உத்திரப் பிரதேச மாநிலத்தில் பிறந்த இதன் ஆசிரியரான அறிஞர் ஸஃபிய்யுர் ரஹ்மான் முபாரக்பூரி (ரஹ்) அவர்களுக்கு அல்லாஹ் அருள் புரிவானாக!

7 May 2015

வெசாக் அன்னதான நிகழ்வுகளும் முஸ்லிம்களும்

உலகலாவிய பௌத்தர்கள் மே மாதம் பௌர்னமி தினத்தில் வெசாக் எனும் பண்டிகையை கொண்டாடுகின்றனர். பௌத்தர்களை பெருபான்மையாகக் கொண்ட இலங்கையிலும் வெசாக் பண்டிகை வெகு விமர்சையாக கொண்டாடப்பட்டு வருகின்றது. புத்தரின் வரலாற்றைச் சித்தரிக்கின்ற வகையில் மின் விளக்குகளால் அலங்கரிக்கப்பட்ட  தோரணங்கள், வெசாக் கூடுகள், பிரித் வைபகங்கள், அன்னாதான நிகழ்வுகள் என பல்வேறு அம்சங்களின் தொகுப்புக்களால் வெசாக் பண்டிகை விழாக் கோளமிடுகிறது. குறிப்பாக அன்னதான நிகழ்வுகள் நாட்டின் நாலாபுரங்களிலும் மக்கள் அலை மோதுகின்ற அளவில்  நடைபெறுகிறது.
 
இவ்வன்னதான நிகழ்வுகளில் முஸ்லிம் பெயர் தாங்கிய அப்துல்லாக்களும், பாத்திமாக்களும் பங்குபற்றும் காட்சியே மிகப் பரிதாபகரமானது. அன்னாதானமாக பரிமாரப்படும் உணவுகளுக்காக ஆண்கள் பெண்கள் குழந்தைகள் சகஜம் மணிக்கணக்கில் காத்திருக்கும் அவலக் காட்சியை  ஊர்கள் பாரபட்ச்சமின்றி வருடம் தோறும் கண்களால் காணக்கிடைக்கிறது.

26 Apr 2015

தர்காக்களில் தவிடுபொடியாக்கப்படும் இஸ்லாத்தின் அடிப்படைகள்

இஸ்லாத்தின் இறுதித் தூதுத்துவப்பணி நிறைவுற்று 14 நூற்றாண்டுகள் கடந்துவிட்டன. ஆனாலும் வல்லோன் அல்லாஹ்வால் அதன் அசல்  இன்று வரைக்கும் எவ்வித கலங்கமும், மாறுதலும் இன்றி  பாதுகாக்கப்பட்டுள்ளது. புனித உரைகளான அல்-குர்ஆன்  மற்றும் ஆதரபூர்வமான ஹதீஸ்கள் மூலம் இவைகள் உறுதிசெய்யப்பட்டுள்ளன. இவ்விரண்டும்தான் அல்லாஹ்விடமிருந்து இறக்கப்பட்ட நேரான வழி. நேரான வழிக்குப் புரம்பாக எடுத்துவைக்கப்படும் ஒவ்வொரு எட்டுக்களும் புரக்கணித்து ஒதுக்கிவிடப்படவேண்டியவை. எனவேதான் நமது ஒவ்வொரு நடைமுறை சார் விடயங்களும் புனித உரைகளில் உரசிப்பார்த்தே நகர்தல், நகர்த்தப்படல் வேண்டும்.

29 Mar 2015

சஹாபாப் பெண்களின் சமூகப் பங்களிப்புகள்..

சஹாபாப் பெண்களின் சமூகப் பங்களிப்பின் கருத்தாளங்களை கட்டுரைப்படுத்த முன் முதலில் சமூகம் என்றால் என்ன? சமூக கட்டமைப்பில் உள்வாங்கப் படுபவர்கள் யார்? என்ற புரிதலுக்கான கேள்விகளுக்கு விடை தொடுக்க முனைகிறேன். தமிழ் அகராதியின் பிரகாரம் ஒரு குறிப்பிட்ட தொழில், துறை, இனம் முதலியனவற்றைச் சேர்ந்தவர்களின் தொகுதியை சமூகம் என வரையரைப்படுத்தலாம். மேற்குறிப்பிட்டவற்றைச் சார்ந்தவர்கள் அச்சமூக கட்டமைப்பில் உள்ளடங்குபவர்கள். ஏன் இதை தலைப்பிற்கு அப்பால் நின்று மிகவும் அழுத்தி விளங்கப்படுத்துகிறேன்? என்றால், சஹாபாப் பெண்களை பொருத்தமட்டில் எச்சமூகத்தை பிரதிபலித்து தமது பங்களிப்பை மேற்கொண்டார்கள்? என்ற வினாவிற்கு விடை காணல் வேண்டும். அதாவது அவர்களை சார்ந்து இருந்த கொள்கையான இஸ்லாமியச் சமூகம் என்பதை தெளிவுபடுத்திக் கொள்வதற்காக வேண்டிதான். மனித நேயம் கொண்டவர்கள் ஒட்டுமொத்த மனித சமூகத்தை பிரதிபலித்துத்தானே தமது பங்களிப்பை செய்திருக்க வேண்டும்.? ஏன் இஸ்லாமிய சமூகத்தை மட்டும் குறிவைத்து தமது பங்களிப்பை சுருக்கிக் கொண்டார்கள்? போன்ற கேள்விகள் எழுவதிலும் தவிர்க்க முடியாது. 

பணம் படுத்தும் பாடும்… இஸ்லாத்தின் இலகு வழியும்


"பணத்தை கண்டால் பிணமும் வாய் திறக்கும்" என்பது முதுமொழி. அதை சற்றே குறைவின்றி பிரதிபலிக்கும் விதமாக, பணம் இன்றைய மனிதனை அடிமைப் படுத்திருக்கின்றது. இன்று பணம் ஒருமனிதனிடத்தில் இல்லை என்றால் அவன் உலகத்தில் வாழ்வதில் அர்த்தமேயில்லை என்றளவிற்கு, பணம் உயிருக்கு நிகராக நோக்கப்படும் அவலம் மனிதனை பீடித்திருக்கிறது. ஏனென்றால் பணம் இன்று மனிதனுடைய அனைத்து அம்சங்களிலும் ஊடுறுவி செல்வாக்குச் செலுத்துகின்றது என்பதை மறுக்க முடியாது.

எனவேதான் மனிதன் பணத்துக்காக நாயாய், பேயாய் அலைகின்றான். அதை அடைந்து கொள்வதற்கு இரவு பகல், மழை வெயில் என்று பாராமல் தனது வாழ்க்கையே அரப்பணிக்கின்றான். மானம், மரியாதை, குடும்பம், குழந்தை, சொந்தம், பந்தம், வீடு, நாடு என்று அனைத்தையும் பணத்துக்காக  வேண்டி துச்சமாக துறக்கின்றான். பொய், கொலை, கொள்ளை, கற்பழிப்பு, கடத்தல், கலப்படம் என்று பஞ்ஞமா பாதகங்களையும் பணத்திற்காக பயமின்றி செய்யத் துணிகின்றான். இத்தனைக்கும் தனக்கு பணம் கிடைத்தால் போதுமென்ற தப்பெண்ணம்தான் அடிப்படைக் காரணம். மட்டுமல்லாமல் கர்வம், பெருமை, மற்றவர்களை மட்டம் தட்டல், தற்பெருமை பாரட்டல், கஞ்ஞத்தனம் போன்ற கூடாத துர் குணங்களாளும் பணம் மனிதனை ஆட்டிப்படைத்து விழுங்கிவிட்டிருக்கின்றது. பணம் அளவு கடந்து இருப்பவர்கள், பணம் அளவோடு இருப்பவர்கள், பணத்திற்காக திண்டாடுபவர்கள் என்று அனைத்துத் தரப்பினர்களும் பெரும்பாலும் பணத்தின் காரணமாகத்தான் தனது மானிடப் பண்புகளையெல்லாம் மறந்து மிருகங்களை விட கேவலமானவர்களாக மாறிவிடுகின்றனர்.  

முரண்பாடும் உடன்பாடும்


[முரண்பாட்டின் தோற்றம்]
இந்த நூற்றாண்டு மட்டுமல்ல வரலாறு நெடுகிலும் முரண்பாடு என்பது தவிர்க்க முடியாத ஒன்றாகத்தான் நோக்கப்படுகிறது. மனிதனுக்கே உரிய சில பலவீனங்கள், துர் பண்புகள் முரண்பாட்டை தோற்றுவிக்கின்றன. பலவீனங்கள், துர் பண்புகள் நபருக்கு நபர் வேறுபடும் பொழுது சுயமாகவே முரண்பாடு தோற்றம்பெறுகிறது. மனித பலவீனம், துர் பண்பு என்ற அஸ்திவாரத்தில்தான் முரண்பாடு என்ற கட்டிடம் கட்டியமைக்கப்படுகிறது.

13 Mar 2014

இஸ்லாத்தில் இணங்களுக்கு இடையிலான நல்லிணக்கம்

நம் இலங்கைத் திருநாட்டில் கறை படிந்த வரலாறாக இரு இனங்களுக்கு இடையில் நடைபெற்ற 30 வருட கால  இமாலய யுத்தம், முற்றுப்பெற்று 5 வருடங்கள் பூர்த்தியாகி விட்டன.  அதன் சுதந்திரக் காற்றை மக்கள் சுவாசித்துக் கொண்டிருக்கும் நிலையிலேயே, யுத்த ரகணங்கள் ஆறுவதற்கு முன்னமே, மீளவும்  இன்னொரு சிறுபான்மை இனத்தை நோக்கிய சமிஞ்சைகள் ஒளிர்விட ஆறம்பித்திருக்கின்றன. 30 வருட கால யுத்தத்தின் பிறதான ஆறம்ப கர்த்தா, பெருபான்மை என்ற ஒரே காரணத்திற்காக சிறுபான்மைக்கு எதிராக சட்டத்தை கையில் எடுத்து அடக்குமுறைக்கு உள்ளாக்கியதே வரலாறு சொல்லும் சாட்சியாகும்.  அதே அணுகுமுறை இன்று சிறுபான்மை முஸ்லிம்களுக்கு எதிராகவும் தாண்டவம் ஆடிக் கொண்டிருக்கின்றது. இதன் பிண்ணனியில் செயற்படும் அரக்கர்களின் பிரதான நோக்கம், வரலாற்றில் தமிழினம் ஆயுதம் தூக்கியது போல் முஸ்லிம்களும் ஆயுதம் துக்க வேண்டும். ஆயுதத்தைக் கொண்டு நமக்கு எதிராக களம் காணுவார்களாயின், இதன் எதிரெலியாகவே அரச துணை கொண்டு அவர்களை ஒடுக்கி விடலாம் என்பதுவே அவர்களின் தாரகமந்திரம். இதனைத்தான் கடந்தகால யுத்தம் படம்பிடித்துக் காட்டுகின்றது.